Maseli 27:1-27
27 Eiaha e faaoru no ananahi,Aita hoi oe i ite eaha te tupu i tera e tera mahana.+
2 A vaiiho na te tahi atu* e arue ia oe, eiaha na to oe iho vaha.Na te tahi atu taata,* eiaha na to oe iho utu.+
3 Mea teiaha te ofai e mea teiaha te one,Mea teiaha ˈtu â râ te haraooo ta te maamaa e faatupu i tera e piti.+
4 Mea ino roa te riri rahi e e au te riri i te vaipue,E vî râ te pohehae ia vai?+
5 Mea maitai aˈe te tamaˈi-roa-raa ˈtu i te here hunahia.+
6 E tamaˈi atu te hoa haapao maitai noa ˈtu eita e auhia mai,+Mea rahi* râ te aparaa a te enemi.
7 Eita te taata tei paia e farii* i te topata meri,No te taata râ tei poia, mea monamona atoa te mea avaava.
8 Mai te manu tei atea* i to ˈna ofaaraaTe taata tei atea i to ˈna fare.
9 E oaoa te aau i te monoˈi e te mea noˈanoˈa.Oia atoa te hoê hoa o te aˈo ia oe ma te haavarevare ore.+
10 Eiaha e faarue i to oe hoa aore ra te hoa o to oe metua tane,E eiaha e tomo i roto i te fare o to oe iho taeae i te mahana o to oe ati.Mea maitai aˈe te hoê taata tapiri i pihai iho noa mai i te hoê taeae i te atea.+
11 Ei haerea paari to oe, ta ˈu tamaiti, e a faaoaoa i to ˈu aau,+Ia nehenehe ta ˈu e pahono i tei faatihaehae mai ra ia ˈu.+
12 E ite te taata feruriraa haroˈaroˈa i te tupuraa atâta e e tapuni oia,+E haere noa ˈtu râ te maˈua a faaruru atu ai i te mau faahopearaa.*
13 A rave i te ahu o te taata tei parau e aufau oia i te tarahu a te hoê taata aita o ˈna i matau.A haru i ta ˈna taoˈa piri mai te peu ua na reira oia no te hoê vahine ê.*+
14 Ia haamaitai te tahi i to ˈna taata tupu ma te reo puai i te poipoi roa,E hiˈohia te reira mai te huru ra te faaino ra oia ia ˈna.
15 E au te vahine faaipoipo imi hara* i te tahi tapoˈi fare e mǎmǎ noa i te mahana ûa.+
16 Te taata e vî ia ˈna tera huru vahine, e vî atoa ia ˈna te mataˈiE e mau ia ˈna te monoˈi i roto i to ˈna rima atau.
17 Mai te auri e faaoi i te auri,E faaoi atoa te hoê taata i* to ˈna hoa.+
18 Te taata o te aupuru i te hoê tumu suke, e amu ïa i to ˈna hotu,+E te taata o te aupuru i to ˈna fatu, e faaturahia ïa.+
19 Mai te hoê taata e ite i to ˈna hohoˈa mata i roto i te pape,E ite atoa ïa oia i to ˈna aau i roto i to te tahi atu aau.
20 E ore roa te Apoo e te vahi haamouraa* e mâha,+Eita atoa te mata o te taata e mâha.
21 No te ario te pani tamâraa e no te auro te umu,+Mea na reira atoa te hoê taata e tamatahia ˈi ia haapopouhia oia.
22 Noa ˈtu e tupai oe i te maamaa i te penu,Mai te huero maa e pâpâhia i roto i te farii,Eita to ˈna maamaa e faarue ia ˈna.
23 Ia ite maitai oe i te hohoˈa o ta oe nǎnǎ.
A aupuru maitai* i ta oe mau mamoe,+
24 Eita hoi te faufaa e vai noa e a muri noa ˈtu,+Eita atoa te hei arii e vai no te mau uˈi atoa.
25 E mou te aihere ota, e tupu mai te aihere apî,E te haaputuhia ra te aihere o te mau mouˈa.
26 Maoti te mamoe oni apî e noaa ˈi to oe ahu,E maoti te puaaniho oni e pee ai ia oe te hoê faaapu.
27 E e navai ta oe û puaaniho ei maa na oe,Ei maa na to oe utuafare, e ei maa na ta oe mau tavini vahine.
Nota i raro i te api
^ Heb: “taata aita oe i matau.”
^ Heb: “taata ê.”
^ Huri-atoa-hia “haavarevare.”
^ Heb: “E taataahi te taata tei paia.”
^ Aore ra “maue ê.”
^ Aore ra “te faautuaraa.”
^ Aore ra “taata ê.”
^ Aore ra “faahapahapa.”
^ Heb: “i te hohoˈa mata o.”
^ Aore ra “Abadona.”
^ Aore ra “haamanaˈo,” “haapao maitai.”
