Maseli 28:1-28
28 E horo ê te feia ino aita hoi e taata e aˈuaˈu ra ia ratou,Mai te liona* râ, eita te feia parau-tia e mǎtaˈu.+
2 Ia ofatihia te ture i* te hoê fenua, e mono-noa-hia te huiarii,+Maoti râ te tauturu a te hoê taata e haroˈaroˈa e e ite to ˈna, e faatere maoro te huiarii.*+
3 Te taata veve o te taviri i te taata riirii,+E au oia i te ûa e hopoi ê pauroa te maa.
4 E haapopou te feia o te faarue i te ture i te taata ino,Mea riri râ na te feia o te haapao i te ture ia ratou.+
5 Eita ta te feia ohipa ino e nehenehe e taa i te haavaraa tano,E taa râ i te feia o te imi ia Iehova i te mau mea atoa.+
6 Mea au aˈe hoê taata veve e haerea hapa ore to ˈnaI te hoê taata taoˈa rahi ua piˈo to ˈna haerea.+
7 E haapao te tamaiti maramarama i te ture,Area te hoa o te feia mea tamaa roa ma te haapuupuu, e faahaama ïa i to ˈna metua tane.+
8 Te taata o te faarahi i ta ˈna faufaa a titau ai i te moni taime+ e te apî tano ore,Te haaputu ra ïa i te reira no tei hamani maitai i te feia veve.+
9 Te taata aita e hinaaro ra e faaroo i te ture,Ta ˈna atoa pure mea faufau.+
10 Tei faahahi ê i te taata afaro ia pee i te hoê haerea ino, e topa oia i roto i ta ˈna iho apoo,+E fanaˈo râ te taata hapa ore i te mea maitai.+
11 Mea paari te hoê taata taoˈa rahi i ta ˈna hiˈoraa,+E taa râ i te taata veve feruriraa haroˈaroˈa i to ˈna huru mau.+
12 Ia upootia te feia parau-tia, e hanahana rahi ïa,Ia mana mai râ te feia ino, e tapuni te taata.+
13 Eita te taata o te tapoˈi i ta ˈna mau hapa e manuïa,+E aroha-hamani-maitai-hia râ te feia tei faˈi e tei haapae i ta ratou mau hapa.+
14 E oaoa te taata o te vai ara noa,*E ati râ te taata o te faaetaeta i to ˈna aau.+
15 Mai te hoê liona e uuru ra e te hoê daba e horo mai raTe taata ino e faatere ra i te hoê nunaa aita ta ratou e ravea no te paruru ia ratou.+
16 E faaohipa te aratai haroˈaroˈa ore i to ˈna mana ma te tano ore,+E roahia râ te oraraa o te taata mea hae na ˈna te apî e noaa mai i te ohipa taviri.+
17 E horo ê noa te taata e amo ra i te teimaha o te hara no te haapoheraa i te hoê taata e tae roa i te apoo hunaraa.*+
Eiaha hoê taata ia turu ia ˈna.
18 E faaorahia te taata haerea hapa ore,+E topa taue râ te taata haerea piˈo.+
19 Mea rahi te maa te noaa mai i te taata o te faaapu i to ˈna fenua,E veve-roa-hia râ te taata o te rave i te mau ohipa faufaa ore.+
20 E fanaˈo te taata haapao maitai e rave rahi haamaitairaa,+Eita râ te taata e ru ia rahi ta ˈna mau taoˈa e vai hapa ore noa.+
21 E ere mea maitai ia maitiiti i te taata.+E nehenehe râ te hoê taata e hapa ia noaa mai te hoê tâpû faraoa.
22 E hinaaro ru te taata nounou i te faufaa,Aita râ oia i ite e roohia oia i te veve.
23 I te hopea, e farii-maitai-hia+ te taata o te tamaˈi i te tahi atu+I te taata o te faatietie i to ˈna arero.
24 Te taata o te eiâ i to ˈna metua tane e to ˈna metua vahine a parau atu ai: “E ere mea ino,”+
E hoa oia no te taata o te faatupu i te ati.+
25 E faatupu te taata nounou* i te amahamaharaa,E rahi râ te faufaa a* te taata e turui ra i nia ia Iehova.+
26 Mea maamaa te taata o te tiaturi i to ˈna iho aau,+E ora ˈtu râ te taata haerea paari.+
27 Te taata o te horoa na te feia veve, eita ïa e ere i te tahi noa ˈˈe mea,+Area te taata o te tapo i to ˈna mata ia ratou, mea rahi ïa te ino te faataehia i nia ia ˈna.
28 Ia mana mai te feia ino, e tapuni te taata,Ia mou râ ratou, e rahi mai te feia parau-tia.+
Nota i raro i te api
^ Aore ra “liona apî.”
^ Aore ra “Ia orure hau to.”
^ Heb: “oia.”
^ Aore ra “o te ore e faaea i te mǎtaˈu.”
^ Aore ra “apoo.”
^ Huri-atoa-hia “teoteo.”
^ Heb: “E haaporiahia râ.”
