Maseli 29:1-27
29 Te taata o te faaetaeta i to ˈna aˈî* i muri iho i te aˈo-pinepine-raahia,+E ofati-taue-hia ïa e aita e rapaauraa.+
2 Mea rahi anaˈe te taata parau-tia, e oaoa te nunaa.Ia faatere râ te taata ino, e autâ te nunaa.+
3 Te taata mea au na ˈna te paari, e faaoaoa ïa i to ˈna metua tane.+Te taata râ o te amuimui i te mau vahine taiata, e hue ïa i ta ˈna faufaa.+
4 I te haavaraa tano a te arii e mau papu ai te hoê fenua,+E ati râ te reira i te taata o te titau i te peta.
5 Te taata o te faatietie i to ˈna taata tupu,E hohora ïa i te upeˈa no to ˈna avae.+
6 E noaahia te taata ino i ta ˈna hapa,+Area te taata parau-tia, e umere ïa e e oaoa.+
7 E haapao te taata parau-tia i te mau tiaraa o te feia veve,+Area te taata ino, eita ïa e haapao atu.+
8 E arepurepu te hoê oire i te feia faaoru,+E pee râ te riri i te feia feruriraa paari.+
9 Ia mârô te hoê taata feruriraa paari e te hoê maamaa,E tupu te tutuôraa e te faaoooraa, aita ˈtura ïa e apî.+
10 Mea hae na te feia haamanii toto i te taata aita ta ˈna e hapa,+E e imi ratou i te rave i te ora o te taata afaro.*
11 E faaite hanoa te maamaa i to ˈna mau huru aau atoa,+Area te taata feruriraa paari, e haavî ïa i te reira ma te hau.+
12 Ia haapao te hoê faatere i te haavare,E riro ta ˈna mau tavini atoa ei feia ino.+
13 Hoê â* te taata veve e te taata haavî:
Na Iehova e horoa i te maramarama i to raua atoa mata.*
14 Ia haava te arii i te feia veve ma te ore e maitiiti,+E mau papu noa ïa to ˈna terono.+
15 E horoa mai te raau* e te faaiteraa i te hapa i te paari,+Area te tamarii e faatiatia-noa-hia to ˈna hinaaro, e faahaama ïa i to ˈna metua vahine.
16 Ia rahi te taata ino, e rahi atoa te hapa,E ite râ te feia parau-tia ia ratou ia hiˈa.+
17 A aˈo i to tamaiti, e vai hau noa ïa oe,E e oaoa roa oe ia ˈna.+
18 I te vahi aita e orama,* mea huehue te nunaa,+Area te feia e haapao ra i te ture, mea oaoa ïa.+
19 Eita te hoê tavini e vaiiho ia aˈohia o ˈna na roto i te parau,Noa ˈtu e taa ia ˈna no te aha, eita iho â oia e faaroo.+
20 Ua ite anei oe i te tahi taata e ru noa i te paraparau?+
E tiaturiraa â to te maamaa eiaha râ to ˈna.+
21 Ia faatiatia-noa-hia te hinaaro o te tahi tavini mai to ˈna apîraa mai,E riro oia ei taata mauruuru ore i muri aˈe.
22 E faatupu te taata iria i te mârôraa.+E rave te taata e riri hanoa e rave rahi hapa.+
23 Na te teoteo o te tahi taata e tuu ia ˈna i raro,+Area te taata aau haehaa, e noaa ïa ia ˈna te hanahana.+
24 Mea hae na te hoa o te eiâ ia ˈna iho.*
E faaroo paha oia i te titauraa i te ite,* eita râ oia e faaite i te hoê noa ˈˈe parau.+
25 E marei ia rûrû i mua* i te taata,+Area te taata e tiaturi ra ia Iehova, e paruruhia ïa.+
26 Mea rahi te hinaaro e farerei i* te faatere,No ǒ mai râ te haavaraa tano ia Iehova ra.+
27 Mea hae na te taata parau-tia i te taata parau-tia ore,+E mea hae na te taata ino i te taata mea afaro to ˈna haerea.+
Nota i raro i te api
^ Aore ra “haapaari noa.”
^ Huri-atoa-hia “E imi râ te taata afaro i te paruru i to ˈna ora.”
^ Heb: “E farerei.”
^ Oia hoi te ora no raua.
^ Aore ra “aˈo,” “utua.”
^ Aore ra “aratairaa no ǒ mai i te Atua.”
^ Aore ra “e horeo, aita anaˈe e faautuahia oia e te Atua.”
^ Aore ra “mǎtaˈu.”
^ Huri-atoa-hia “te imi i te farii maitai a.” Heb: “te imi i te aro o.”
