Maseli 30:1-33
30 Te poroi faufaa a Agura, te tamaiti a Iake, ta ˈna i parau ia Itiela e ia Ukala:
2 Mea maˈua aˈe au i te tahi atu mau taata,+E aita e maramarama to ˈu mai tei titauhia i te hoê taata.
3 Aita vau i haapii mai i te paari,E aita to ˈu e ite mai to Tei Moˈa Roa ˈˈe.
4 O vai tei haere i te raˈi e tei pou mai?+
O vai tei haaputu i te mataˈi i roto i to ˈna na apu rima?
O vai tei vehî i te pape i roto i to ˈna ahu?+
Na vai i haamau* i te hopea atoa o te fenua?+
O vai to ˈna iˈoa e te iˈoa o ta ˈna tamaiti, mai te peu ua ite oe?
5 Mea viivii ore pauroa te parau a te Atua.+
E paruru oia no te feia e haapu ia ˈna ra.+
6 Eiaha e apiti i te tahi noa ˈˈe parau i ta ˈna mau parau,+A tamaˈi oia ia oe,A itehia ˈtu ai e haavare oe.
7 E piti ohipa ta ˈu e ani ia oe.
A horoa mai i te reira hou vau a pohe ai.
8 A faaatea ê i te haavarevare e te haavare ia ˈu.+
Eiaha oe e tuu mai i te veve e te taoˈa rahi.
A vaiiho noa na ia ˈu ia amu i ta ˈu tuhaa maa,+
9 Ia ore au e taoˈahia, a taiva ˈtu ai ia oe a na ô ai: “O vai o Iehova?”+
Eiaha atoa e vaiiho ia ˈu ia vevehia e ia eiâ e ia haafaufaa ore* i te iˈoa o to ˈu Atua.
10 Eiaha e pari haavare i te tahi tavini i to ˈna fatu,A faaino hoi oia ia oe e a faahapahia ˈtu ai oe.+
11 Te vai ra te tahi uˈi o te faaino i to ratou metua taneE o te ore e haamaitai i to ratou metua vahine.+
12 Te vai ra te tahi uˈi o te manaˈo ra mea viivii ore ratou,+Aita râ i tamâhia i to ratou viivii.*
13 Te vai ra te tahi uˈi mea faateitei roa to ratou mataE mea faateoteo roa ia hiˈo ratou i te taata!+
14 Te vai ra te tahi uˈi e ˈoˈe to ratou nihoE e tipi tupai animara to ratou taa.E pau ia ratou te feia riirii o te fenuaE te feia veve i rotopu i te huitaata.+
15 E piti tamahine ta te tapiiohina e tuô ra: “Horoa mai! Horoa mai!”
E toru ohipa o te ore e mâha,E maha o te ore roa ˈtu e parau: “Atira!”:
16 Te Apoo*+ e te opu fanau ore,Te fenua aita e pape,E te auahi o te ore roa ˈtu e parau: “Atira!”
17 Te mata o te faaooo i te hoê metua tane e o te vahavaha i te auraroraa i te hoê metua vahine,+Na te mau oreba o te peho e tito i te reiraE na te mau fanauˈa a te aeto e amu atu.+
18 E toru ohipa aita vau e maramarama ra,*E maha aita e taa ra ia ˈu:
19 Te eˈa o te aeto na roto i te reva,Te eˈa o te ophi i nia iho i te mato,Te eˈa o te pahi na tua,E te eˈa o te tane i ǒ te vahine apî.
20 Teie te haerea o te vahine faaturi:
E tamaa oia, e horoi i to ˈna vaha,A parau atu ai i muri iho: “Aita vau i rave i te ohipa ino.”+
21 E toru ohipa o te faaaueue i te fenua,E maha ohipa eita e haere i te taata ia faaoromai:
22 Ia faatere te tavini ei arii,+Ia paia maitai te maamaa i te maa,
23 Ia faaipoipohia te vahine haehia,*E ia rave* te tavini vahine i te tiaraa o to ˈna fatu vahine.+
24 E maha mea i nia i te fenua, noa ˈtu mea haihai roa,E natura paari* to ratou:+
25 Te ro, e ere i te animara* puai,O te faaineine râ i ta ratou maa i te tau veavea.+
26 Te rapiti no te mato,+ e ere i te animara* pautuutu,O te hamani râ i to ratou fare na roto i te mato.+
27 Te vivi,+ aita e arii to ratou,Mea naho maitai* râ ia nuu ratou pauroa.+
28 Te moo+ o te tapii i nia i te mau mea atoa,E o te tomo i roto i te aorai o te arii.
29 E toru mea mea faahiahia mau ia haere ratou,E maha mea faahiahia mau ia nuu ratou:
30 Te liona, te animara puai roa ˈˈe,O te ore e otohe i mua i te taata,+
31 Te urî aˈuaˈu animara, te puaaniho oni,E te hoê arii e ta ˈna nuu na muri ia ˈna.
32 Mai te peu ua faateitei oe ia oe, mea maamaa hoi,+Aore ra mai te peu ua opua oe e na reira,A tuu i to rima i nia iho i to vaha.+
33 Inaha, mai te pata e noaa mai ia faarapuhia te ûE te toto e tahe mai ia tano te ihu,E tupu ïa te tatamaˈiraa i te faatihaehaeraa.+
Nota i raro i te api
^ Heb: “faatia.”
^ Aore ra “faaino.”
^ Heb: “tutae.”
^ Aore ra “mea faahiahia roa ino no ˈu.”
^ Aore ra “here-ore-hia.”
^ Aore ra “haru.”
^ Aore ra “E paari rahi mau.”
^ Heb: “nunaa.”
^ Heb: “nunaa.”
^ Aore ra “tapǔpǔ.”
