Maseli 5:1-23
5 Ta ˈu tamaiti, a haapao maite i to ˈu paari.
A faaroo maitai* i to ˈu haroˈaroˈa,+
2 E nehenehe ïa oe e paruru i to oe aravihi ia feruriE e paraparau noa ia au i te ite.+
3 Mai te meri hoi te monamona o te mau parau a te vahine taivaiva,*+E mea aminamina aˈe te reira i te hinu.+
4 I te pae hopea râ, mea maramara oia mai te raau tupu avaava+E mea oi mai te ˈoˈe mea oi na pae e piti.+
5 E pou to ˈna na avae i te pohe ra.
E haere tia ˈtu to ˈna mau taahiraa i te Apoo.*
6 Eita oia e manaˈo i te eˈa o te ora.
E overe hanoa oia, aita râ oia i ite te haere ra oia ihea.
7 I teie nei, ta ˈu* tamaiti, a faaroo mai ia ˈuE eiaha e fariu ê i ta ˈu e parau nei.
8 Ia atea ê noa oe ia ˈna.Eiaha e tapiri atu i te tomoraa o to ˈna fare,+
9 Ia ore hoi oe e horoa i to oe roo maitai ia vetahi ê+E ia ore e ooti i te mau matahiti ino mau,+
10 Ia ore ia pau ta oe mau faufaa* i te feia aita oe i matau+E ia ore ta oe i rohi ia tae i roto i te fare o te hoê taata ê.
11 Ia ore anaˈe, e autâ oe i te hopea o to oe oraraaUa paruparu anaˈe to oe tino taatoa,+
12 A parau atu ai oe: “I hae na hoi au i te aˈo!
I vahavaha na to ˈu aau i te faaiteraahia mai te hapa!
13 Aita vau i faaroo i te reo o te feia tei haapii mai ia ˈu,Aita atoa vau i haapao maite ia ratou.
14 Mai roohia vau i te ino ua rau te huruI rotopu i te amuiraa taatoa.”*+
15 A inu i te pape o ta oe iho tura papeE te pape tahe* o ta oe iho apoo pape.+
16 Eaha hoi ta oe mau pape pihaa e manii haere ai na rapae,E ta oe mau taheraa pape na te mau mahora o te oire?+
17 Na oe anaˈe te reira,Eiaha e tufa ˈtu na te feia aita oe i matau.+
18 Ia haamaitaihia ta oe iho pape pihaa,E ia oaoa oe e te vahine o to apîraa,+
19 E aili rata, e puaaniho nehenehe o te mouˈa.+
Ia oaoa oe i to ˈna tîtî i te mau taime atoa.
Ia tamau noa oe i te au roa i to ˈna here.+
20 Eaha hoi oe, ta ˈu tamaiti, e au roa ˈi i te hoê vahine taivaiva*Aore ra e tauahi ai i te tino o te hoê vahine e peu taotoraa tia ore ta ˈna?*+
21 To mua hoi te mau eˈa o te taata i te mata o Iehova.E hiˈopoa oia i to ˈna mau haerea atoa.+
22 E noaahia te taata ino i ta ˈna iho mau hape,E e mau oia i te mau taura o ta ˈna iho hara.+
23 E pohe oia no te mea aita oia i farii i te aˈoE e hahi ê oia no to ˈna maamaa rahi.
Nota i raro i te api
^ Heb: “fariu mai i to tariˈa.”
^ Heb: “ta ˈu mau.”
^ Aore ra “to oe puai.”
^ Heb: “te tairururaa e te amuiraa.”
^ Aore ra “maaro.”
