Mika 3:1-12
3 Na ô atura vau: “A faaroo mai na, outou te mau aratai o IakobaE outou te mau raatira o te nunaa o Iseraela!+
Eiaha anei outou ia ite i te mea tia?
2 Mea hae râ na outou i te mea maitai+ e mea au na outou i te mea ino.+Te hohore ra outou i te iri o to ˈu nunaa e te hahae ra i te iˈo i nia i to ratou mau ivi.+
3 Te amu atoa ra outou i te iˈo o to ˈu nunaa+E te hohore ra i to ratou iri,A ofatifati ai i to ratou mau ivi, a faahuˈahuˈa ˈi i te reira,+Mai te tahi maa e tunuhia i roto i te hoê pani,* mai te inaˈi i roto i te hoê pani.
4 E tae te hoê taime e pii ai ratou ia Iehova no te tauturu,Eita râ oia e pahono ia ratou.
E huna oia i to ˈna aro ia ratou+No ta ratou mau ohipa iino.+
5 Teie ta Iehova e parau ra no te mau peropheta o te aratai ê ra i to ˈu nunaa,+O te faaite haere ra i te hau+ a hohoni ai* e to ratou niho,+O te faatupu* râ i te tamaˈi ia ˈna o te ore e tuu i te tahi mea i roto i to ratou vaha:
6 ‘Ei roto outou i te poiri mai i te po+ e eita outou e ite i te orama.+E poiri anaˈe no outou, aita e peu hiˈohiˈo.
E topa te mahana i nia i te mau peropheta,E haapoiri te mahana no ratou.+
7 E haama te feia ite orama,+Eita te feia tohu haavare e mauruuru.
E tapoˈi ratou paatoa i to ratou huruhuru utu,*Eita hoi te Atua e pahono.’”
8 O vau râ, maoti te varua o Iehova, ua î au i te mana,E te parau-tia e te puai rahi,No te faaite ia Iakoba ta ˈna orureraa hau e ia Iseraela ta ˈna hara.
9 A faaroo mai na i teie parau, outou te mau aratai o te huaai o IakobaE outou te mau raatira o te nunaa o Iseraela,+O te riri nei i te parau-tia e o te haapiˈo ra i te mau mea afaro atoa,+
10 O te patu nei ia Ziona i te haamaniiraa toto e ia Ierusalema i te parau-tia ore.+
11 E haava ta ˈna mau aratai* ia petahia ratou,+E haapii ta ˈna mau tahuˈa ia aufauhia ratou,+E e rave ta ˈna mau peropheta i te peu hiˈohiˈo no te hoê tino moni.*+
E te turui noa ra ratou i nia ia Iehova* a na ô ai:
“Aita anei o Iehova ia tatou nei?+
Eita tatou e roohia i te ati.”+
12 No outou noa ïa,E arotehia Ziona mai te tahi faaapu,E riro Ierusalema ei pueraa huˈahuˈa,+E e riro te mouˈa o te Fare* mai te mau vahi teitei o te hoê uru raau.*+
Nota i raro i te api
^ Aore ra “pani auvaha rahi.”
^ Huri-atoa-hia “e ohipa anaˈe ta ratou no te honihoni.”
^ Heb: “haamoˈa.”
^ Aore ra “vaha.”
^ Aore ra “te parau ra ratou e te turui ra ratou i nia ia Iehova.”
^ Aore ra “ario.”
^ Heb: “upoo.”
^ Aore ra “te mouˈa o te hiero.”
^ Aore ra “hoê tua aivi ua tupu te raau i nia iho.”
