Numera 1:1-54
1 Paraparau maira Iehova ia Mose i te medebara o Sinai,+ i roto i te tiahapa o te amuiraa,+ i te mahana matamua o te piti o te avaˈe, i te piti o te matahiti o to ratou haereraa mai i rapae i te fenua o Aiphiti.+ Na ô maira oia:
2 “A taio hoê hoê+ i te amuiraa taatoa o te ati* Iseraela ia au i to ratou mau fetii, ia au i te mau utuafare o to ratou mau metua, ia au i te rahiraa iˈoa o te mau tane atoa.
3 Ia tapao orua Aarona ia au i to ratou pǔpǔ i te iˈoa o te mau tane atoa mai te 20 matahiti e nia ˈtu+ te nehenehe e faaô i roto i te nuu i Iseraela.
4 “A rave na muri ia orua hoê tane o te opu tataitahi, ia riro ratou tataitahi ei upoo o te utuafare o to ratou iho metua.+
5 Teie te iˈoa o te mau tane e tauturu ia orua: to te opu o Reubena, o Elizura+ te tamaiti a Sedeura,
6 to Simeona, o Selumiela+ te tamaiti a Zurisadai,
7 to Iuda, o Nahasona+ te tamaiti a Aminadaba,
8 to Isakara, o Netanela+ te tamaiti a Zuara,
9 to Zebuluna, o Eliaba+ te tamaiti a Helona,
10 to na tamaiti a Iosepha: to Epheraima,+ o Elisama te tamaiti a Amihuda, to Manase, o Gamaliela te tamaiti a Pedazura,
11 to Beniamina, o Abidana+ te tamaiti a Gideoni,
12 to Dana, o Ahiezera+ te tamaiti a Amisadai,
13 to Asera, o Pagiela+ te tamaiti a Okarana,
14 to Gada, o Eliasapha+ te tamaiti a Deuela,
15 to Naphatali, o Ahira+ te tamaiti a Enana.
16 Tera te iˈoa o te feia tei titauhia no roto mai i te amuiraa. O ratou te mau raatira+ o te mau opu o to ratou mau metua, te mau upoo o te mau tausani o Iseraela.”+
17 Rave aˈera ïa Mose e o Aarona i teie mau tane tei maitihia e te Atua.
18 Haaputuputu maira raua i te amuiraa taatoa i te mahana matamua o te piti o te avaˈe, ia tapao-hoê-hoê-hia ratou ia au i to ratou mau iˈoa, to ratou mau fetii, e te mau utuafare o to ratou mau metua, mai te 20 matahiti e nia ˈtu,+
19 mai ta Iehova i faaue ia Mose. Tapao ihora ïa oia i to ratou iˈoa i te medebara o Sinai.+
20 Ua tapurahia na tamaiti a Reubena, te huaai o te matahiapo a Iseraela,+ ia au i to ratou mau iˈoa, to ratou mau fetii, e te mau utuafare o to ratou mau metua. Ua taio-hoê-hoê-hia pauroa te tane mai te 20 matahiti e nia ˈtu te nehenehe e faaô i roto i te nuu,
21 e te rahiraa tei tapaohia o te opu o Reubena, e 46 500.
22 Ua tapurahia te huaai o Simeona+ ia au i to ratou mau iˈoa, to ratou mau fetii, e te mau utuafare o to ratou mau metua. Ua taio-hoê-hoê-hia pauroa te tane mai te 20 matahiti e nia ˈtu te nehenehe e faaô i roto i te nuu,
23 e te rahiraa tei tapaohia o te opu o Simeona, e 59 300.
24 Ua tapurahia te huaai o Gada+ ia au i to ratou mau iˈoa, to ratou mau fetii, e te mau utuafare o to ratou mau metua. Ua taiohia pauroa te tane mai te 20 matahiti e nia ˈtu te nehenehe e faaô i roto i te nuu,
25 e te rahiraa tei tapaohia o te opu o Gada, e 45 650.
26 Ua tapurahia te huaai o Iuda+ ia au i to ratou mau iˈoa, to ratou mau fetii, e te mau utuafare o to ratou mau metua. Ua taiohia pauroa te tane mai te 20 matahiti e nia ˈtu te nehenehe e faaô i roto i te nuu,
27 e te rahiraa tei tapaohia o te opu o Iuda, e 74 600.
28 Ua tapurahia te huaai o Isakara+ ia au i to ratou mau iˈoa, to ratou mau fetii, e te mau utuafare o to ratou mau metua. Ua taiohia pauroa te tane mai te 20 matahiti e nia ˈtu te nehenehe e faaô i roto i te nuu,
29 e te rahiraa tei tapaohia o te opu o Isakara, e 54 400.
30 Ua tapurahia te huaai o Zebuluna+ ia au i to ratou mau iˈoa, to ratou mau fetii, e te mau utuafare o to ratou mau metua. Ua taiohia pauroa te tane mai te 20 matahiti e nia ˈtu te nehenehe e faaô i roto i te nuu,
31 e te rahiraa tei tapaohia o te opu o Zebuluna, e 57 400.
32 Ua tapurahia te huaai o Iosepha na Epheraima+ ia au i to ratou mau iˈoa, to ratou mau fetii, e te mau utuafare o to ratou mau metua. Ua taiohia pauroa te tane mai te 20 matahiti e nia ˈtu te nehenehe e faaô i roto i te nuu,
33 e te rahiraa tei tapaohia o te opu o Epheraima, e 40 500.
34 Ua tapurahia te huaai o Manase+ ia au i to ratou mau iˈoa, to ratou mau fetii, e te mau utuafare o to ratou mau metua. Ua taiohia pauroa te tane mai te 20 matahiti e nia ˈtu te nehenehe e faaô i roto i te nuu,
35 e te rahiraa tei tapaohia o te opu o Manase, e 32 200.
36 Ua tapurahia te huaai o Beniamina+ ia au i to ratou mau iˈoa, to ratou mau fetii, e te mau utuafare o to ratou mau metua. Ua taiohia pauroa te tane mai te 20 matahiti e nia ˈtu te nehenehe e faaô i roto i te nuu,
37 e te rahiraa tei tapaohia o te opu o Beniamina, e 35 400.
38 Ua tapurahia te huaai o Dana+ ia au i to ratou mau iˈoa, to ratou mau fetii, e te mau utuafare o to ratou mau metua. Ua taiohia pauroa te tane mai te 20 matahiti e nia ˈtu te nehenehe e faaô i roto i te nuu,
39 e te rahiraa tei tapaohia o te opu o Dana, e 62 700.
40 Ua tapurahia te huaai o Asera+ ia au i to ratou mau iˈoa, to ratou mau fetii, e te mau utuafare o to ratou mau metua. Ua taiohia pauroa te tane mai te 20 matahiti e nia ˈtu te nehenehe e faaô i roto i te nuu,
41 e te rahiraa tei tapaohia o te opu o Asera, e 41 500.
42 Ua tapurahia te huaai o Naphatali+ ia au i to ratou mau iˈoa, to ratou mau fetii, e te mau utuafare o to ratou mau metua. Ua taiohia pauroa te tane mai te 20 matahiti e nia ˈtu te nehenehe e faaô i roto i te nuu,
43 e te rahiraa tei tapaohia o te opu o Naphatali, e 53 400.
44 O ratou tei tapaohia te iˈoa e Mose raua Aarona e na 12 raatira o Iseraela, e tia ratou tataitahi no te utuafare o to ratou iho metua.
45 Ua tapaohia te iˈoa o te ati Iseraela taatoa mai te 20 matahiti e nia ˈtu te nehenehe e faaô i roto i te nuu i Iseraela ia au i te mau utuafare o to ratou mau metua,
46 e te taatoaraa tei tapaohia, e 603 550.+
47 Aita râ te iˈoa o te ati Levi+ i tapaohia i rotopu ia ratou ia au i te opu o to ratou mau metua.+
48 Na ô maira ïa Iehova ia Mose:
49 “O te opu anaˈe o Levi eiaha oe e tapao i te iˈoa, e eiaha oe e amui i to ratou rahiraa e to te tahi atu ati Iseraela.+
50 Ia faatoroa oe i te ati Levi i nia i te sekene o te Haamanaˈoraa+ e i nia i to ˈna mau taihaa e i nia i te mau mea atoa i reira.+ Na ratou e amo i te sekene e to ˈna mau taihaa atoa,+ e i reira ratou e rave ai i ta ratou taviniraa,+ e e puhapa ratou ati aˈe i te sekene.+
51 I te mau taime atoa e tauihia ˈi te vahi o te sekene, na te ati Levi e tatara i te reira,+ e ia faatia-faahou-hia te sekene, na te ati Levi e faatia i te reira, e te taata aita i faatiahia* o te tapiri atu, e haapohehia ïa.+
52 E patia te ati Iseraela tataitahi i to ˈna fare ie i to ˈna vahi faataahia, te taata tataitahi i to ˈna puhaparaa e toru opu+ ia au i to ˈna pǔpǔ.
53 E e puhapa te ati Levi ati aˈe te sekene o te Haamanaˈoraa, ia ore te riri ia tupu i nia i te amuiraa o te ati Iseraela,+ e na te ati Levi e haapao* i te sekene o te Haamanaˈoraa.”+
54 Rave aˈera te nunaa o Iseraela i ta Iehova atoa i faaue ia Mose. Ua na reira iho â ratou.
Nota i raro i te api
^ Heb: “te mau tamarii.”
^ Heb: “taata ê,” oia hoi e ere i te ati Levi.
^ Aore ra “tiai,” “rave i ta ratou taviniraa.”