Numera 26:1-65
-
Te piti o te taioraa i te mau opu o Iseraela (1-65)
26 I muri iho i te ati,+ na ô maira Iehova ia Mose e Eleazara te tamaiti a Aarona te tahuˈa:
2 “A taio i te amuiraa taatoa o te ati Iseraela mai te 20 matahiti e nia ˈtu, ia au i te utuafare o to ratou mau metua, ma te taio i te feia atoa te nehenehe e faaô i roto i te nuu.”+
3 Paraparau atura ïa Mose raua Eleazara+ te tahuˈa ia ratou i te mau vahi papu pâpâmǎrô o Moabi+ na te hiti Ioridana i Ieriko,+ a na ô ai:
4 “A taio ia ratou mai te 20 matahiti e nia ˈtu, mai ta Iehova iho â i faaue ia Mose.”+
Teie te mau tamaiti a Iseraela tei haere mai i rapae i te fenua o Aiphiti:
5 Reubena,+ ta Iseraela matahiapo, e ta Reubena mau tamaiti:+ ta Hanoka, te fetii o te ati Hanoka, ta Palu, te fetii o te ati Palu,
6 ta Hezerona, te fetii o te ati Hezerona, ta Karemi, te fetii o te ati Karemi.
7 Tera te mau fetii o te ati Reubena, e to ratou mau taata tei taiohia, e 43 730.+
8 Te tamaiti a Palu, o Eliaba.
9 E te mau tamaiti a Eliaba, o Nemuela, Datana e Abirama. O taua Datana e Abirama ra na taata maitihia o te amuiraa tei orure hau ia Mose+ raua Aarona na muri i te pǔpǔ a Kora+ i to ratou orure-hau-raa ia Iehova.+
10 Amaha ihora ïa te fenua* e horomii ihora ia ratou. Area Kora, ua pohe oia e te feia tei turu ia ˈna i te pauraa e 250 tane i te auahi.+ E riro ihora ratou ei faaararaa.+
11 Aita râ na tamaiti a Kora i pohe.+
12 Teie te huaai o Simeona+ ia au i to ratou mau fetii: ta Nemuela, te fetii o te ati Nemuela, ta Iamina, te fetii o te ati Iamina, ta Iakina, te fetii o te ati Iakina,
13 ta Zera, te fetii o te ati Zera, ta Saura, te fetii o te ati Saura.
14 Tera te mau fetii o te ati Simeona: 22 200.+
15 Teie te huaai o Gada+ ia au i to ratou mau fetii: ta Zephona, te fetii o te ati Zephona, ta Hagi, te fetii o te ati Hagi, ta Suni, te fetii o te ati Suni,
16 ta Ozini, te fetii o te ati Ozini, ta Eri, te fetii o te ati Eri,
17 ta Arodi, te fetii o te ati Arodi, ta Areli, te fetii o te ati Areli.
18 Tera te mau fetii o te huaai o Gada, e to ratou mau taata tei taiohia, e 40 500.+
19 Na tamaiti a Iuda,+ o Era raua Onana.+ Tera râ, ua pohe Era raua Onana i te fenua o Kanaana.+
20 E teie te huaai o Iuda ia au i to ratou mau fetii: ta Sela,+ te fetii o te ati Sela, ta Pereza,+ te fetii o te ati Pereza, ta Zera,+ te fetii o te ati Zera.
21 E teie te huaai o Pereza: ta Hezerona,+ te fetii o te ati Hezerona, ta Hamula,+ te fetii o te ati Hamula.
22 Tera te mau fetii o Iuda, e to ratou mau taata tei taiohia, e 76 500.+
23 Teie te huaai o Isakara+ ia au i to ratou mau fetii: ta Tola,+ te fetii o te ati Tola, ta Puva, te fetii o te ati Puva,
24 ta Iasuba, te fetii o te ati Iasuba, ta Simirona, te fetii o te ati Simirona.
25 Tera te mau fetii o Isakara, e to ratou mau taata tei taiohia, e 64 300.+
26 Teie te huaai o Zebuluna+ ia au i to ratou mau fetii: ta Sereda, te fetii o te ati Sereda, ta Elona, te fetii o te ati Elona, ta Ialeela, te fetii o te ati Ialeela.
27 Tera te mau fetii o te ati Zebuluna, e to ratou mau taata tei taiohia, e 60 500.+
28 Teie na tamaiti a Iosepha+ ia au i to ratou mau fetii: Manase raua Epheraima.+
29 Teie te huaai o Manase:+ ta Makira,+ te fetii o te ati Makira, e fanau maira ta Makira o Gileada,+ ta Gileada, te fetii o te ati Gileada.
30 Teie te huaai o Gileada, ta Iezera, te fetii o te ati Iezera, ta Heleka, te fetii o te ati Heleka,
31 ta Aseriela, te fetii o te ati Aseriela, ta Sekema, te fetii o te ati Sekema,
32 ta Semida, te fetii o te ati Semida, ta Hepheri, te fetii o te ati Hepheri.
33 E aita e tamaiti ta Zelophehada te tamaiti a Hepheri, e tamahine anaˈe,+ e te iˈoa o na tamahine a Zelophehada,+ o Mahala, Noa, Hogela, Mileka e Tireza.
34 Tera te mau fetii o Manase, e to ratou mau taata tei taiohia, e 52 700.+
35 Teie te huaai o Epheraima+ ia au i to ratou mau fetii: ta Sutela,+ te fetii o te ati Sutela, ta Bekera, te fetii o te ati Bekera, ta Tahana, te fetii o te ati Tahana.
36 E teie te huaai o Sutela: ta Erana, te fetii o te ati Erana.
37 Tera te mau fetii o te huaai o Epheraima, e to ratou mau taata tei taiohia, e 32 500.+ Tera te huaai o Iosepha ia au i to ratou mau fetii.
38 Te huaai o Beniamina+ ia au i to ratou mau fetii: ta Bela,+ te fetii o te ati Bela, ta Asebela, te fetii o te ati Asebela, ta Ahirama, te fetii o te ati Ahirama,
39 ta Sephuphama, te fetii o te ati Suphama, ta Huphama, te fetii o te ati Huphama.
40 Na tamaiti a Bela, o Aradi raua Naamana:+ ta Aradi, te fetii o te ati Aradi, ta Naamana, te fetii o te ati Naamana.
41 Tera te huaai o Beniamina ia au i to ratou mau fetii, e to ratou mau taata tei taiohia, e 45 600.+
42 Teie te huaai o Dana+ ia au i to ratou mau fetii: ta Suhama, te fetii o te ati Suhama. Tera te mau fetii o Dana ia au i to ratou mau fetii.
43 Te mau taata tei taiohia o te mau fetii atoa o te ati Suhama, e 64 400.+
44 Teie te huaai o Asera+ ia au i to ratou mau fetii: ta Iemina, te fetii o te ati Iemina, ta Isui, te fetii o te ati Isui, ta Beria, te fetii o te ati Beria,
45 ta te huaai o Beria: ta Hebere, te fetii o te ati Hebere, ta Malakiela, te fetii o te ati Malakiela.
46 O Sera te iˈoa o te tamahine a Asera.
47 Tera te mau fetii o te huaai o Asera, e to ratou mau taata tei taiohia, e 53 400.+
48 Teie te huaai o Naphatali+ ia au i to ratou mau fetii: ta Iazeela, te fetii o te ati Iazeela, ta Guni, te fetii o te ati Guni,
49 ta Iezerâ, te fetii o te ati Iezerâ, ta Silema, te fetii o te ati Silema.
50 Tera te mau fetii o Naphatali ia au i to ratou mau fetii, e te mau taata tei taiohia, e 45 400.+
51 Teie te rahiraa o te ati Iseraela tei taiohia: e 601 730.+
52 I muri iho, na ô maira Iehova ia Mose:
53 “Ia ratou e tufahia ˈi te fenua ei tuhaa ia au i te tapura iˈoa.*+
54 No te mau pǔpǔ rahi, e faarahi oe i te tuhaa, e no te mau pǔpǔ rii, e faaiti oe i te tuhaa.+ E horoahia ta te pǔpǔ tataitahi ta ˈna tuhaa ia au i te rahiraa taata tei taiohia.
55 Tera râ, e tufa-kelero-hia te fenua.+ E fanaˈo ratou i ta ratou tuhaa ia au i te iˈoa o te opu o to ratou mau metua.
56 Na roto i te kelero e faaotihia ˈi e e tufahia ˈi te tuhaa tataitahi i te mau pǔpǔ rahi e te mau pǔpǔ rii.”
57 E teie te mau taata o te ati Levi+ tei taiohia ia au i to ratou mau fetii: ta Geresona, te fetii o te ati Geresona, ta Kohata,+ te fetii o te ati Kohata, ta Merari, te fetii o te ati Merari.
58 Teie te mau fetii o te ati Levi: te fetii o te ati Libeni,+ te fetii o te ati Heberona,+ te fetii o te ati Maheli,+ te fetii o te ati Musi,+ te fetii o te ati Kora.+
Ua fanau mai ta Kohata o Amerama.+
59 E o Iokebeda+ te iˈoa o te vahine faaipoipo a Amerama, ta Levi tamahine, ta ta ˈna vahine faaipoipo i fanau na Levi i Aiphiti. E fanau maira oia na Amerama ia Aarona raua Mose e to raua tuahine o Miriama.+
60 Fanau maira ta Aarona o Nadaba, Abihu, Eleazara e Itamara.+
61 Ua pohe râ Nadaba raua Abihu no te pûpûraa i mua ia Iehova i te mea noˈanoˈa na roto i te auahi ma te tano ore.+
62 Te rahiraa o te mau taata tei taiohia, e 23 000, pauroa te tane mai hoê avaˈe e nia ˈtu.+ Aita hoi ratou i taiohia i rotopu i te ati Iseraela,+ no te mea aita e tuhaa tei horoahia na ratou i rotopu i te ati Iseraela.+
63 Tera te mau taata ta Mose raua Eleazara te tahuˈa i taio i to raua taioraa i te ati Iseraela i te mau vahi papu pâpâmǎrô o Moabi na te hiti Ioridana i Ieriko.
64 I rotopu râ ia ratou, aita hoê aˈe i taiohia e Mose raua Aarona te tahuˈa i te taioraahia te ati Iseraela i te medebara o Sinai.+
65 Ua parau hoi Iehova no ratou: “E pohe mau â ratou i te medebara.”+ Aita ïa hoê aˈe i toe, o Kaleba anaˈe râ te tamaiti a Iephune raua Iosua te tamaiti a Nuna.+
Nota i raro i te api
^ Heb: “Hamǎmǎ ihora ïa te fenua i to ˈna vaha.”
^ Aore ra “i te rahiraa iˈoa tei tapurahia.”
