Obadia 1:1-21
1 Teie te orama a Obadia:*
Teie ta te Arii hau ê e Fatu ra o Iehova e parau mai ra no nia ia Edoma:+
“Ua faaroo matou i te hoê parau apî no ǒ mai ia Iehova ra,Ua tonohia te tahi vea i rotopu i te mau nunaa:
‘A tia, e faaineine anaˈe no te aro ia Edoma.’”+
2 “Inaha, ua haafaufaa ore au ia oe i rotopu i te mau nunaa.Te vahavaha-roa-hia ra oe.+
3 Ua haavare te teoteo o to aau ia oe,+Oe, o te parahi ra i roto i te mau afâ mato,O te parahi ra i nia i te mau vahi teitei, a parau ai i roto i to aau:‘O vai te haapou ia ˈu i raro?’
4 Noa ˈtu e haamau oe i to oe nohoraa i nia roa* mai te aeto,Aore ra e tuu oe i to oe ofaaraa i rotopu i te mau fetia,E haapou mai au ia oe i raro,” te na reira mai ra Iehova.
5 “Ia haere mai te feia eiâ i ǒ oe, te feia haru taoˈa i te po,Eita anei ratou e eiâ i te mea noa ta ratou e hinaaro ra?
Aore ra ahani e feia pofai vine tera e haere mai ra i ǒ oe,
Eita anei ratou e vaiiho mai i te tahi maa?E haamou-roa-hia râ oe e to oe mau enemi!*+
6 Ua imi maite ratou ia Esau!
Ua imi ratou i ta ˈna mau taoˈa huna i te mau vahi atoa!
7 Ua aratai ratou ia oe i te otia fenua.
Ua haavarehia oe e te feia atoa e faaauraa ta outou.*
Te feia e parahi hau noa ra e o oe, ua upootia ïa i nia ia oe.
E tuu te feia o te amu ra i te faraoa e o oe i te upeˈa i raro aˈe ia oe,Eita râ oe e ite i te reira.
8 I tera mahana,” te na reira mai ra Iehova,“Eita anei au e haamou i te mau taata paari o Edoma+E te haroˈaroˈa no ǒ i te tuhaa fenua mouˈa o Esau?
9 E riaria to oe feia tamaˈi,+ e Temana,+E taparahi-pohe-hia hoi pauroa to te tuhaa fenua mouˈa o Esau.+
10 No te haavîraa uˈana i nia i to taeae o Iakoba,+E poˈi roa oe i te haama,+E e mou oe e a muri noa ˈtu.+
11 I te mahana i tia ˈi oe na te atea,I te mahana i afai tîtî ai te feia ěê i ta ˈna nuu,+I te tomoraa te feia ěê i roto i to ˈna oire* a tuu ai i te kelero+ ia Ierusalema,Ua haa oe mai hoê o ratou.
12 Eiaha oe e hiˈo ma te oaoa i te mahana o to taeae, i te mahana e ati ai oia,+Eiaha oe e oaoa no nia i te nunaa o Iuda i te mahana o to ratou pohe,+E eiaha oe e paraparau ma te faatietie i te mahana o to ratou ahoaho.
13 Eiaha oe e tomo i roto i te oire* o to ˈu nunaa i te mahana o to ˈna ati,+Eiaha oe e hiˈo ma te oaoa i to ˈna ati i te mahana o to ˈna ati,E eiaha to rima ia rave i ta ˈna faufaa i te mahana o to ˈna ati.+
14 Eiaha oe e tia i te mau maaraa purumu no te taparahi pohe i to ˈna feia e horo ê ra,+E eiaha oe e tuu i to ˈna feia e ora ˈtu i te enemi ra i te mahana ahoaho.+
15 Te fatata mai ra hoi to Iehova mahana i reira oia e haere mai ai e aro i te mau nunaa atoa.+
Mai ta oe i rave, e na reira-atoa-hia oe.+
Ta oe huru raveraa ia vetahi ê, e hoˈi ïa i nia i to oe upoo.
16 Mai ta oe hoi inuraa i te uaina i nia i to ˈu mouˈa moˈa,E tamau atoa te mau nunaa i te inu i to ˈu riri mai te uaina.+
E inu ratou a horomii atu ai i to ˈu riri,E e moˈe ratou mai te mea ra e aita roa ratou i vai aˈenei.
17 Ei nia râ i te mouˈa Ziona te feia o te ora ˈtu,+E e riro te reira ei mea moˈa.+E e fatu faahou mai te huaai o Iakoba i ta ratou mau mea atoa.+
18 E riro te huaai o Iakoba ei auahi,Te huaai o Iosepha ei ura auahi,E te huaai o Esau mai te aihere mǎrô,O ta ratou e faaama a pau roa ˈtu ai ratou,E aita e taata no roto i te huaai o Esau+ e ora mai,Na Iehova hoi i parau.
19 E fatu ratou i te Negeba e te tuhaa fenua mouˈa o Esau,+I te Sephela e te fenua o te mau Philiseti.+
E fatu ratou i te mau vahi aihere o Epheraima e te mau vahi aihere o Samaria,+E e fatu Beniamina ia Gileada.
20 Te mau tîtî no teie patu paruru,*+Te nunaa o Iseraela, e fatu ratou i te fenua o te ati Kanaana e tae roa ˈtu i Zarephate.+
E te mau tîtî o Ierusalema i Sepharada, e fatu ratou i te mau oire o te Negeba.+
21 E haere te mau faaora i nia i te mouˈa ZionaNo te haava i te tuhaa fenua mouˈa o Esau,+E e riro te mana arii ia Iehova.”+
Nota i raro i te api
^ “Tavini a Iehova” te auraa.
^ Huri-atoa-hia “e rere oe i nia roa.”
^ Huri-atoa-hia “Eaha râ te huru ia haamou ratou?”
^ Aore ra “o tei faaau i te faufaa ia oe.”
^ Heb: “uputa.”
^ Heb: “uputa.”
^ Aore ra “pare etaeta.”
