Salamo 10:1-18
ל [Lameda]
10 No te aha, e Iehova, e tia noa ˈi oe na te atea ê?
No te aha oe e tapuni ai i te tau ahoaho?+
2 Ma te teoteo, te aˈuaˈu ra te taata ino i te taata ravea ore,+O ˈna râ te roohia i te fifi i ta ˈna mau opuaraa ino.+
3 Te faatietie ra te taata ino ia ˈna iho no to ˈna mau hinaaro miimii+E te haapopou ra oia i te taata nounou.*נ [Nuna]Aita oia e faatura ra ia Iehova.
4 No to ˈna teoteo, aita te taata ino e imi ra i te Atua.“Aita e Atua,” tera to ˈna manaˈo.+
5 Te manuïa noa ra ta ˈna mau ohipa atoa,+Aita râ oia e taa ra i ta oe mau faaotiraa haavaraa.+Te vahavaha ra oia i to ˈna mau enemi atoa.
6 Te parau ra oia i roto i to ˈna aau: “Eita roa vau e faaaueuehia.*Mai tera uˈi i tera uˈiEita roa vau e ite i te ati.”+
פ [Pe]
7 Ua î to ˈna vaha i te faaino, te haavare e te haamǎtaˈuraa.+Tei raro aˈe i to ˈna arero te ati e te mauiui.+
8 Te tamoemoe ra oia i pihai iho i te mau oire iti.Mai roto atu i to ˈna vahi tapuniraa oia e taparahi pohe ai i te taata hara ore.+
ע [Oina]
Te imi ra to ˈna mata i te tahi taata no te hamani ino atu.+
9 Te tiai ra oia i roto i to ˈna vahi tapuniraa mai te hoê liona i roto i to ˈna apoo.+
Te tiai ra oia no te haru mai i te taata ravea ore.
Te haru ra oia i te taata ravea ore ma te huti i ta ˈna upeˈa.+
10 E faahuˈahuˈahia e e taorahia te taata ravea ore i raro.Te haavî ra oia i tei paruparu.*
11 Te parau ra oia i roto i to ˈna aau: “Ua moˈe i te Atua.+
Ua fariu ê oia i to ˈna aro.
Aita roa ˈtu o ˈna e haapao mai ra.”+
ק [Kopha]
12 A tia, e Iehova!+ E te Atua e, a amo i to rima i nia.+
Eiaha e haamoˈe i te feia i hamani-ino-hia.+
13 No te aha te taata ino e ore ai e faatura i te Atua?
Te parau ra oia i roto i to ˈna aau: “Eita oe e faahapa ia ˈu.”
ר [Resa]
14 Tera râ, te ite ra iho â oe i te ati e te ahoaho.
Te hiˈo ra oe a faatitiaifaro atu ai i te ohipa.+
Te fariu nei tei roohia i te ati ia oe ra.+O oe te tauturu a te tamarii aita e metua tane.*+
ש [Sina]
15 A ofati i te rima o te taata ino,+Ia imi oe i to ˈna ino,Eita ïa e itea faahou mai ia oe.
16 O Iehova te Arii e a muri noa ˈtu.+
Ua mou te mau nunaa i te fenua nei.+
ת [Tau]
17 E faaroo râ oe i te aniraa a te feia mǎrû, e Iehova!+
E horoa oe i te itoito i to ratou aau+ e e faaroo maite oe ia ratou.+
18 E horoa oe i te faaotiraa haavaraa i te feia aita e metua e i te feia o tei haavîhia,+Eiaha te taata o te fenua nei ia haamǎtaˈu faahou ia ratou.+
Nota i raro i te api
^ Huri-atoa-hia “Te haapopou ra te taata nounou ia ˈna iho.”
^ Aore ra “Eita roa vau e peretete.”
^ Aore ra “Te topa ra tei paruparu i roto i to ˈna rima.”
^ Aore ra “otare.”
