Salamo 104:1-35
104 E arue au ia Iehova.+
To ˈu Atua e Iehova, mea rahi mau oe.+
Ua vehîhia oe i te tura e te hanahana.+
2 Ua vehîhia oe i te maramarama+ mai te hoê ahu.E hohora oe i te mau raˈi mai te hoê tapoˈi fare ie.+
3 E tuu oia i te mau pou o to ˈna mau piha i nia, i roto i te mau pape i nia i te raˈi,*+E rave oia i te mau ata ei pereoo no ˈna,+E tere oia na nia i te mau pererau o te mataˈi.+
4 E faariro oia i ta ˈna mau melahi ei varua,Ta ˈna mau tavini ei auahi ura.+
5 Ua haamau oia i te fenua i nia i to ˈna niu.+E ore te reira e tauihia i to ˈna vahi* e a muri noa ˈtu.+
6 Ua tapoˈi oe i te reira i te pape hohonu mai i te hoê ahu ra.+
Tei nia te mau pape i te mau mouˈa i te vairaa.
7 I to oe tamaˈiraa ˈtu, horo aˈera te mau pape.+I te harururaa ta oe patiri, horo aˈera te mau pape no te riaria
8 (Ua maraa te tahi mau mouˈa+ e ua pou te tahi mau peho i raro)I te vahi ta oe i haamau no te mau pape.
9 Ua tuu oe i te hoê otia eiaha te mau pape e na nia ˈtu,+Eiaha roa te mau pape ia tapoˈi faahou i te fenua.
10 Te faahaere ra oia i te mau pape pihaa i roto i te mau peho,I ropu i te mau mouˈa te reira e tahe ai.
11 Te horoa ra te reira i te pape na te mau animara oviri atoa.Te haamâha nei te mau asini oviri i to ratou poihâ.
12 I nia i taua mau pape pihaa ra te mau manu o te raˈi e tau ai.E himene ratou i ropu i te mau rauere meumeu.
13 Te pîpî ra oia i te mau mouˈa mai to ˈna mau piha mai ra i nia.+
I te mau hotu o ta oe mau ohipa, te mâha ra te fenua.+
14 Te faatupu ra oia i te aihere na te puaatoroE te mau raau rii atoa na te taata,+No te faahotu mai i te maa no roto mai i te fenua
15 E te uaina o te faaoaoa i te aau o te taata,+Te monoˈi o te faaanaana i te hohoˈa,E te faraoa o te tamahanahana i te aau o te taata nei.+
16 Mea ruperupe te mau tumu raau a Iehova,Te mau tumu arezi o Lebanona ta ˈna i tanu,
17 I reira te mau manu e hamani ai i to ratou ofaaraa.
Tei nia i te mau tumu berusi te fare o te heside.+
18 No te mau puaaniho mato+ te mau mouˈa teitei.E haapuraa te mau mato no te mau saphana.*+
19 Na ˈna i hamani i te avaˈe no te faataa i te tau,Ua ite maitai te mahana i to ˈna toparaa.+
20 E faatae mai oe i te poiri a po atu ai,+I reira te mau animara oviri atoa o te uru raau e hahaere ai.
21 E uuru te mau liona apî a aˈuaˈu ai,+E e imi ratou i te maa ta te Atua e horoa ra.+
22 Ia hiti te mahana,E hoˈi ratou e taoto i roto i to ratou mau apoo.
23 E haere te tane e rave i te ohipa,E e ohipa o ˈna e po noa ˈtu.
24 Mea rahi ta oe ohipa, e Iehova!+
Ua hamani oe pauroa te reira ma te paari.+
Ua î te fenua i te mau mea ta oe i hamani.
25 Te vai ra te miti, rarahi e te aano,Ua î te reira i te mea ora e rave rahi, te mea nainai e te mea rarahi.+
26 Mea na reira te mau pahi e tere ai,E o Leviatana*+ atoa, o ta oe i hamani ia hauti oia i reira.
27 Te tiai paatoa ra ratou ia oeNo te horoa ˈtu i ta ratou maa i te taime tano.+
28 Ta oe e horoa na ratou, e rave ratou.+
Ia hohora oe i to rima, e î ratou i te mau mea maitatai.+
29 Ia huna oe i to aro, e huru ê ratou.
Ia rave oe i to ratou aho, e pohe e e hoˈi ratou i te repo ra.+
30 Ia tono oe i to varua moˈa, e poietehia te ora,+E e faaapî oe i te tahua o te fenua.
31 E vai â te hanahana o Iehova e a muri noa ˈtu.
E oaoa Iehova i ta ˈna mau ohipa.+
32 Ia hiˈo oia i te fenua, e rûrû te reira.Ia tapea oia i te mau mouˈa, e au auahi te reira.+
33 E himene au ia Iehova+ i te roaraa o to ˈu oraraa.E himene au i te arueraa* i to ˈu Atua a ora noa ˈi au.+
34 Ia mauruuru oia i to ˈu mau manaˈo.*
E oaoa vau ia Iehova.
35 E mou te feia rave hara i te fenua nei,E aita e feia ino faahou.+
E arue au ia Iehova. Ia aruehia Ia!*
Nota i raro i te api
^ Heb: “i roto i te mau pape.”
^ Aore ra “aueue.”
^ E animara e au i te rapiti o te ora i te vahi ofaifai.
^ Aore ra “hauti au i te upaupa.”
^ Huri-atoa-hia “Ei feruriruriraa maitai ta ˈu ia ˈna.”
^ Aore ra “Haleluia!” E haapotoraa “Ia” o te iˈoa Iehova.
