Salamo 107:1-43
107 A haamauruuru ia Iehova, mea maitai hoi oia.+E vai â to ˈna here taiva ore e a muri noa ˈtu.+
2 Ia faaitehia te reira e tei hoohia mai e Iehova,Te feia ta ˈna i hoo mai i te rima* ra o te enemi,+
3 Te feia ta ˈna i haaputuputu mai mai te mau fenua ra+I hitia o te râ e tooa o te râ,*I apatoerau e apatoa.+
4 I overe na ratou na roto i te medebara, i te vahi aita i faaeahia e te taata.Aita i itea mai ia ratou te purumu e aratai ia ratou i te hoê oire no te ora ˈtu.
5 Ua poia ratou e ua poihâ.Fatata roa ratou i te matapoirihia no te rohirohi.
6 Tiaoro noa aˈera ratou ia Iehova i roto i to ratou ahoaho.+Faaora ˈtura oia ia ratou i to ratou tupuraa fifi.+
7 Faahaere atura oia ia ratou na nia i te eˈa tano+Ia tapae ratou i te hoê oire i reira ratou e nehenehe ai e ora.+
8 Ia haamauruuruhia Iehova+ no to ˈna here taiva oreE no ta ˈna mau ohipa faahiahia no te mau tamaiti a te taata.+
9 Ua horoa hoi oia i te pape na tei hiaai i te papeE ua faaî oia i tei poia i te mau mea maitatai.+
10 I ora na vetahi i roto i te poiri taˈotaˈo,E feia o tei tapeahia i roto i te ati e te auri.
11 Ua orure hau hoi ratou i te parau a te Atua.Aita ratou i faatura i te aˈoraa a Tei Teitei Roa ˈˈe.+
12 Faahaehaa ˈtura ïa oia i to ratou aau i te ati.+Turori aˈera ratou e aita e taata no te tauturu ia ratou.
13 Ani aˈera ratou ia Iehova i te tauturu i roto i to ratou ahoaho.Faaora ˈtura oia ia ratou i to ratou tupuraa fifi.
14 Iriti atura oia ia ratou mai roto mai i te poiri taˈotaˈo,Tatara ˈtura oia i to ratou mau fifi.+
15 Ia haamauruuruhia Iehova no to ˈna here taiva ore+E no ta ˈna mau ohipa faahiahia no te mau tamaiti a te taata.
16 Ua tuparari hoi oia i te mau uputa veoE ua vavahi oia i te mau teˈa auri.+
17 Ua roohia te feia maamaa i te mauiui+No ta ratou mau hara e ta ratou mau hape.+
18 Aita ratou i poia faahou.Ua piri roa ratou i te mau uputa o te pohe.
19 I ani na ratou ia Iehova i te tauturu i roto i to ratou ahoaho.I faaora na oia ia ratou i to ratou tupuraa fifi.
20 I horoa na oia i te faaueraa ia faaora ia ratou+E i faaora na oia ia ratou i te mau apoo i reira ratou i te mauraa.
21 Ia haamauruuruhia Iehova no to ˈna here taiva oreE no ta ˈna mau ohipa faahiahia no te mau tamaiti a te taata.
22 Ia pûpûhia te tusia haamauruuru+E ia faaitehia ta ˈna mau ohipa ma te umere.
23 Tei ratere na te miti na nia i te pahi,O tei tapihoo na nia i te mau pape rahi,+
24 Ua ite ratou i te mau ohipa a IehovaE ta ˈna mau ohipa faahiahia i raro i te miti,+
25 Ua tupu te hoê vero i nia i ta ˈna faaueraa,+E ua maraa te mau are miti.
26 Te afai ra te mau are ia ratou i nia i te raˈiE te pou faahou ra ratou i raro i te miti.
Te ere ra ratou i te itoito no te ati e piri atu ra.
27 Te faaohuohu e te peretete ra ratou mai te hoê taero ava,E aita e faufaa to ratou aravihi.+
28 I reira, te tiaoro ra ratou ia Iehova i roto i to ratou ahoaho,+E te faaora ra oia ia ratou i to ratou tupuraa fifi.
29 Te tamǎrû ra oia i te vero.Te mania ra te mau are miti.+
30 E oaoa ratou ua mania anaˈe te reira,E e aratai oia ia ratou i te vahi hinaarohia e ratou.
31 Ia haamauruuruhia Iehova no to ˈna here taiva oreE no ta ˈna mau ohipa faahiahia no te mau tamaiti a te taata.+
32 Ia faateitei ratou ia ˈna i roto i te amuiraa o te nunaa,+E ia arue ratou ia ˈna i roto i te putuputuraa* a te mau matahiapo.
33 Te faariro ra oia i te anavai ei medebaraE te mau pape pihaa ei fenua mǎrô,+
34 Te fenua ruperupe ei fenua avaava+No te ino o te feia e parahi ra i reira.
35 Te faariro ra oia i te medebara ei pape hopuna î i te opaero,E te fenua mǎrô ei pape pihaa.+
36 Te haaparahi ra oia i te feia e poia ra i reira,+Ia haamau ratou i te hoê oire ia nehenehe ratou e ora i reira.+
37 Te ueue ra ratou i te huero maa na roto i te faaapu a tanu ai i te vine+O te faatupu mai i te maa e rave rahi.+
38 Te haamaitai ra oia ia ratou e e rahi roa ratou.Aita oia e vaiiho ra ia iti mai ta ratou rahiraa puaatoro.+
39 Te iti faahou mai ra râ ratou e te faahaamahia raNo te haavîraa, te ati e te oto.
40 Te ninii ra oia i te vahavaharaa i nia i te huimanaE te faaovere ra oia ia ratou na te mau fenua taata ore aita e eˈa.+
41 Te paruru* nei râ oia i te feia veve i te haavîraa+E te faarahi ra oia i to ratou mau utuafare mai te hoê nǎnǎ animara.
42 Te ite ra te feia afaro i te reira e te oaoa ra.+Te tapiri nei râ pauroa te taata parau-tia ore i to ratou vaha.+
43 E hiˈopoa te taata paari i teie mau mea+A feruri maite atu ai i ta Iehova mau ohipa i rave ma te here taiva ore.+
Nota i raro i te api
^ Heb: “mana.”
^ Aore ra “Mai te hitiraa mahana e tae atu i te toparaa mahana.”
^ Aore ra “amuiraa.” Heb: “parahiraa.”
^ Aore ra “faateitei,” oia hoi ia ore ratou ia noaa.
