Salamo 135:1-21
135 Ia aruehia Ia!*
A arue i te iˈoa o Iehova.A arue ia ˈna, outou te mau tavini a Iehova,+
2 Outou o te tia ra i roto i te fare o Iehova,I roto i te mau aua o te fare o to tatou Atua.+
3 A arue ia Ia, mea maitai hoi Iehova.+
A himene i te arueraa* i to ˈna iˈoa, mea au hoi te reira.
4 Ua maiti hoi Ia ia Iakoba na ˈna iho,Iseraela ei tuhaa taa ê* na ˈna.+
5 Ua ite maitai hoi au e e Atua rahi o Iehova.Mea hau aˈe to tatou Fatu i te tahi atu mau atua.+
6 E rave Iehova i te mau mea atoa ta ˈna e au+I nia i te raˈi e te fenua nei, i roto i te miti e te hohonuraa.
7 E haapee oia i te mau ata* i nia mai te hopea mai o te fenua.E faaanapa oia i te uira* no te ûa.E faahaere oia i te mataˈi i rapae i ta ˈna mau fare vairaa taoˈa.+
8 Ua haapohe oia i te mau tamarii matahiapo o Aiphiti,E te fanauˈa matamua a te animara.+
9 Ua tuu atu oia i te tapao e te semeio i ropu ia oe, e Aiphiti e,+No Pharao e ta ˈna mau tavini atoa.+
10 Ua tairi oia e rave rahi nunaa+E ua haapohe i te tahi mau arii puai:+
11 O Sihona te arii o te ati Amori,+O Oga te arii o Basana,+E te mau faatereraa arii atoa no Kanaana.
12 Ua horoa oia i to ratou fenua ei tuhaa tutuuhia,Ei tuhaa tutuuhia ia Iseraela to ˈna nunaa.+
13 E Iehova, e vai â to iˈoa e a muri noa ˈtu.
E Iehova, e vai â to oe roo* e hope noa ˈtu te mau uˈi atoa.+
14 E paruru hoi Iehova i to ˈna nunaa,+E e faaite oia i te aumihi i* ta ˈna mau tavini.+
15 E ario e e auro te mau idolo a te mau nunaa.E ohipa a te rima taata.+
16 E vaha to ratou, aita râ e paraparau ra.+E mata to ratou, aita râ e ite ra.
17 E tariˈa to ratou, aita râ e faaroo ra.
Aita e aho to roto i to ratou vaha.+
18 Te feia i hamani ia ratou, e riro ïa mai ia ratou,+Oia atoa te feia o te tiaturi ra ia ratou.+
19 E te utuafare o Iseraela, a arue ia Iehova.
E te utuafare o Aarona, a arue ia Iehova.
20 E te utuafare o Levi, a arue ia Iehova.+
Outou o te mǎtaˈu ra ia Iehova, a arue ia Iehova.
21 Ia aruehia Iehova mai Ziona mai,+O Tei parahi i Ierusalema.+
Ia aruehia Ia!+
Nota i raro i te api
^ Aore ra “Haleluia!” E haapotoraa “Ia” o te iˈoa Iehova.
^ Aore ra “hauti i te upaupa.”
^ Aore ra “faufaa poiherehia.”
^ Aore ra “mâhu.”
^ Huri-atoa-hia “E hamani oia i te tamauraa pape.”
^ Aore ra “iˈoa.” Heb: “haamanaˈoraa.”
^ Aore ra “e tatarahapa oia no.”
