Salamo 139:1-24
Na te aratai o te feia himene. Salamo a Davida.
139 E Iehova, ua paheru oe ia ˈu e ua ite oe ia ˈu.+
2 Te ite ra oe ia parahi au e ia tia vau i nia.+
Te ite ra oe i to ˈu manaˈo i te atea ê.+
3 Te hiˈopoa ra oe ia ˈu ia ratere au e ia tarava atoa.Ua matau oe i to ˈu mau haerea atoa.+
4 Hou to ˈu vaha a parau ai i te tahi parau,Inaha, e Iehova, ua ite aˈena oe i te reira.+
5 Na mua e na muri ia ˈu, te haaati ra oe ia ˈu.E te tuu ra oe i to rima i nia ia ˈu.
6 E ite rahi to oe, eita e haere ia ˈu ia taa i te reira.
Tei te hoê faito teitei roa to oe ite, eita e noaa ia ˈu.*+
7 Ihea vau e horo ai e tapuni i to varua,E ihea vau e horo ai e tapuni i to aro?+
8 Ahiri au e pauma i te raˈi, ei reira oe,E ahiri au e faanaho i to ˈu roˈi i roto i te Apoo,* inaha, ei reira oe.+
9 Ahiri au e maue i te pererau o te aahiataNo te parahi i pihai iho i te miti atea roa ˈˈe,
10 I reira atoa, na to rima e aratai ia ˈuE na to rima atau e mau mai ia ˈu.+
11 Ia parau vau: “E tapuni mau â te poiri ia ˈu!”
E riro ïa te po ati aˈe ia ˈu ei maramarama.
12 Eita atoa te poiri e riro ei mea poiri roa no oe,E riro râ te po mai te ao i te maramarama.+No oe, hoê â te poiri e te maramarama.+
13 Na oe hoi i hamani i to ˈu mape,Ua tapoˈi* oe ia ˈu i roto i te opu o to ˈu metua vahine.+
14 Te arue nei au ia oe, mea faahiahia hoi to ˈu hamaniraahia.+
Mea faahiahia ta oe mau ohipa,+Ua ite maitai au i te reira.
15 Aita to ˈu mau ivi i hunahia ia oeI te hamaniraahia vau i te vahi moˈe,A taraihia ˈi au i roto i te hohonuraa o te fenua.+
16 Ua ite atoa to mata ia ˈu i roto i te opu,Ua papaihia to ˈu mau mero atoa i roto i ta oe bukaIa au i te mau mahana i hamanihia ˈi te reira,Hou hoê noa ˈˈe o to ˈu mau mero a hamanihia ˈi.
17 No ˈu, e faufaa rahi ïa to to oe mau manaˈo!+
E te Atua e, mea rahi roa ia amuihia!+
18 Ia tamata vau i te taio, mea rahi aˈe te reira i te one.+
Ia ara vau, tei pihai iho noa â vau ia oe.*+
19 E te Atua e, ahiri oe i taparahi pohe i te feia ino!+
Ua reva ê ïa te feia hamani ino ia ˈu nei,
20 Te feia o te parau ra i te mea ino no nia ia oe.O to oe mau enemi tera, o te faahiti faufaa ore ra i to iˈoa.+
21 Aita anei au e hae ra i te feia e hae ra ia oe, e Iehova,+A faufau atu ai i te feia e orure hau ra ia oe?+
22 E hae anaˈe to ˈu ia ratou.+Ua riro ratou no ˈu ei enemi papu.
23 A paheru ia ˈu, e te Atua e, e ia ite oe i to ˈu aau.+
A hiˈopoa ia ˈu, e ia ite oe i ta ˈu mau haapeapearaa.*+
24 A hiˈo e te vai ra anei te tahi mea ino i roto ia ˈu,+E a aratai ia ˈu+ na nia i te eˈa mure ore.
Nota i raro i te api
^ Aore ra “eita e haere ia ˈu ia taa i te reira.”
^ Huri-atoa-hia “hamani.”
^ Huri-atoa-hia “tei te taioraa noa â ïa vau.”
^ Aore ra “to ˈu mau manaˈo hepohepo.”
