Salamo 16:1-11
Miketama* a Davida.
16 A paruru ia ˈu e te Atua e, te haapu ra hoi au ia oe ra.+
2 Ua parau vau ia Iehova: “O Iehova oe, no ǒ mai ia oe ra to ˈu mau maitai atoa.
3 E tei moˈa i te fenua nei,Tei au ia faaturahia, e oaoa rahi to ˈu ia ratou.”+
4 Te faarahi ra te feia o te pee i te tahi atu mau atua i to ratou mauiui.+
Eita roa vau e pûpû i te tusia toto no ratou,Eita atoa to ˈu vaha e faahiti i to ratou iˈoa.+
5 O Iehova ta ˈu tuhaa+ e ta ˈu auˈa.+
Te haapao ra oe i ta ˈu faufaa.
6 Ua faitohia te tahi mau vahi au maitai no ˈu.
Oia, te oaoa nei au i ta ˈu faufaa.+
7 E arue au ia Iehova o tei aˈo ia ˈu.+
I te po atoa, e faaafaro to ˈu mau manaˈo hohonu roa ˈˈe ia ˈu.+
8 Ua tuu noa vau ia Iehova i mua ia ˈu.+
Tei to ˈu rima atau hoi oia, eita roa vau e aueue.+
9 Te oaoa nei ïa to ˈu aau, e oaoa rahi to ˈu.*
E te ora ra vau* ma te ati ore.
10 Eita hoi oe e faarue ia ˈu i roto i te Apoo.*+
Eita oe e vaiiho i to tavini taiva ore ia ite i te apoo.*+
11 Te faaite mai ra oe ia ˈu i te eˈa o te ora.+
Tei mua ia oe* te oaoa rahi.+E oaoa tei to rima atau ra e a muri noa ˈtu.
Nota i raro i te api
^ Heb: “to to ˈu hanahana.”
^ Aore ra “to ˈu tino.”
^ Huri-atoa-hia “ia tahuti.”
^ Heb: “Tei pihai iho i to aro.”
