Salamo 27:1-14
Salamo a Davida.
27 O Iehova to ˈu maramarama+ e to ˈu faaoraraa.
O vai ta ˈu e mǎtaˈu?+
O Iehova te pare o to ˈu ora.+
O vai ta ˈu e riaria?
2 I te aroraa mai te feia ohipa ino no te amu i to ˈu iˈo,+O to ˈu mau enemi tei turori e tei hiˈa.
3 Noa ˈtu e faatia te hoê nuu i te puhapa no te aro ia ˈu,Eita to ˈu aau e mǎtaˈu.+
Noa ˈtu e aro te enemi ia ˈu,E tiaturi noa vau i te Atua.
4 Ua ani au hoê ohipa ia Iehova,Tera ta ˈu e imi,Ia parahi au i roto i te fare o Iehova i te mau mahana atoa o to ˈu oraraa,+No te mataitai i te nehenehe o IehovaE no te mataitai i to ˈna hiero.*+
5 E tapuni hoi oia ia ˈu i raro aˈe i to ˈna tamaru i te mahana ati.+E tapuni oia ia ˈu i roto i te vahi moˈe o to ˈna tiahapa.+E tuu oia ia ˈu i nia i te hoê mato teitei.+
6 I teie nei, tei nia ˈˈe to ˈu upoo i te mau enemi o te haaati ra ia ˈu.E pûpû vau i te tusia i roto i to ˈna tiahapa ma te umere.E himene au i te arueraa* ia Iehova.
7 A faaroo mai ia ˈu, e Iehova, ia tiaoro atu vau.+A faaite mai i to farii maitai e a pahono mai ia ˈu.+
8 Te haamanaˈo mai ra to ˈu aau i ta oe faaueraa:
“A imi i to ˈu aro.”
E imi au i to aro, e Iehova.+
9 Eiaha e huna i to aro ia ˈu.+
Eiaha e fariu ê atu i to tavini i roto i to oe riri.
O oe ta ˈu tauturu.+Eiaha e faarue ia ˈu, eiaha e vaiiho ia ˈu, to ˈu Atua o te faaora ia ˈu!
10 Noa ˈtu e faarue to ˈu metua tane e to ˈu metua vahine ia ˈu,+E farii mai Iehova ia ˈu.+
11 A haapii ia ˈu i to eˈa, e Iehova,+A aratai ia ˈu na te eˈa o te parau-tia no to ˈu mau enemi.
12 Eiaha e tuu ia ˈu i to ˈu mau enemi ra,+Ua tia mai hoi te ite haavare no te patoi ia ˈu,+E te haamǎtaˈu ra ratou ia ˈu ma te haavî.
13 Teihea vau ahani au i ore i tiaturiE e ite au i to Iehova maitai i te fenua o te feia ora?*+
14 A tiaturi ia Iehova.+Ia itoito oe e ia puai to aau.+
E! A tiaturi ia Iehova.
Nota i raro i te api
^ Aore ra “nao.”
^ Aore ra “hauti au i te upaupa.”
^ Huri-atoa-hia “Ua papu ia ˈu e ite au i to Iehova maitai i te fenua o te feia ora.”
