Salamo 29:1-11
Salamo a Davida.
29 A faahoˈi atu i tei au ia Iehova, outou te mau tamaiti a te feia puai,A faahoˈi atu i tei au ia Iehova no to ˈna hanahana e to ˈna puai.+
2 A faahoˈi atu ia Iehova i te hanahana e au i to ˈna iˈoa.
A tipapa i mua* ia Iehova ma te ahu moˈa.*
3 Te faaroohia ra te reo o Iehova i nia i te mau pape.E au te reo o te Atua hanahana i te patiri.+
Tei nia Iehova i te pape e rave rahi.+
4 E puai rahi to te reo o Iehova.+Mea nehenehe te reo o Iehova.
5 Te haaparari ra te reo o Iehova i te mau tumu arezi.E, te haaparari ra Iehova i te mau tumu arezi no Lebanona.+
6 Te faaouˈauˈa ra oia ia Lebanona* mai te hoê fanauˈa puaatoro,E ia Siriona+ mai te hoê puaatoro oni apî.
7 Te tairi ra te reo o Iehova ma te auahi.+
8 Te faaaueue ra te reo o Iehova i te medebara.+Te faaaueue ra Iehova i te medebara o Kadesa.+
9 E rûrû e e fanau te mau aili ia faaroo ratou i te reo o Iehova,E e vai tahaa te mau uru raau.+
Te parau nei te taatoaraa i roto i to ˈna hiero: “Hanahana!”
10 Te parahi ra Iehova i nia i te mau pape pue.*+Te parahi ra Iehova ei Arii e a muri noa ˈtu.+
11 E horoa Iehova i te puai i to ˈna nunaa.+
E haamaitai Iehova i to ˈna nunaa ma te hau.+
Nota i raro i te api
^ Aore ra “haamori.”
^ Huri-atoa-hia “no te unauna o to ˈna moˈaraa.”
^ Oia hoi te anairaa mouˈa o Lebanona.
^ Aore ra “te miti o te raˈi.”
