Salamo 34:1-22
Salamo a Davida a haamaamaa ˈi oia ia ˈna+ i mua ia Abimeleka. Tiahihia ˈtura o ˈna e Abimeleka e haere atura Davida.
א [Alepha]
34 E arue au ia Iehova i te mau taime atoa.Ei nia noa i to ˈu vaha te arueraa ia ˈna.
ב [Beta]
2 E faahanahana vau ia Iehova.+E faaroo te feia mǎrû a oaoa ˈtu ai.
ג [Gimela]
3 E faateitei anaˈe ia Iehova,+E faateitei anaˈe tatou paatoa i to ˈna iˈoa.
ד [Daleta]
4 Ua ui au ia Iehova e ua pahono mai oia ia ˈu.+
Ua faaora oia ia ˈu i te mau mea atoa ta ˈu e mǎtaˈu ra.+
ה [He]
5 Ua anaana te hohoˈa mata o te feia o tei hiˈo ia ˈna.Aita to ratou hohoˈa mata e uteute ra i te haama.
ז [Zaina]
6 Ua tiaoro te taata haihai e ua faaroo Iehova.
Ua faaora oia ia ˈna i to ˈna mau tupuraa ahoaho atoa.+
ח [Heta]
7 Te puhapa ra te melahi a Iehova ati aˈe i te feia o te mǎtaˈu ra ia ˈna,+E te faaora ra oia ia ratou.+
ט [Teta]
8 A tamata e ia ite outou i te maitai o Iehova.+E oaoa te taata o te imi ra i te haapuraa ia ˈna ra.
י [Ioda]
9 A mǎtaˈu ia Iehova outou paatoa o tei moˈa,Eita hoi tei mǎtaˈu ia ˈna e ere noa ˈˈe.+
כ [Kapha]
10 Ua haapohehia te mau liona apî pautuutu maitai i te poia,Eita râ te feia e imi ra ia Iehova e ere i te mea maitai.+
ל [Lameda]
11 A haere mai, ta ˈu mau tamaiti, a faaroo mai ia ˈu.E haapii au ia outou i te mǎtaˈu ia Iehova.+
מ [Mema]
12 O vai i rotopu ia outou mea au na ˈna i te ora,Tei hinaaro e ite e rave rahi mahana oaoa?+
נ [Nuna]
13 A tapea ïa i to arero ia ore ia parau i te mea ino,+E to vaha i te parau haavare.+
ס [Sameha]
14 A fariu ê mai i te mea ino e a rave i te mea maitai.+A imi i te hau e a tapi i te reira.+
ע [Oina]
15 Tei nia iho te mata o Iehova i te feia parau-tia,+E te faaroo ra to ˈna tariˈa i ta ratou taparuraa i te tauturu.+
פ [Pe]
16 Te patoi nei râ Iehova i te feia e rave ra i te mea ino,No te faaore roa i to ratou parau i nia i te fenua nei.+
צ [Sadi]
17 Ua tuô ratou, e ua faaroo Iehova.+Ua faaora oia ia ratou i to ratou mau tupuraa ahoaho atoa.+
ק [Kopha]
18 Tei pihai iho Iehova i te feia o te mauiui ra,+Te faaora nei oia i te feia aau oto.*+
ר [Resa]
19 Mea rahi te ati o te taata parau-tia,+Te faaora nei râ Iehova ia ˈna i taua mau ati atoa ra.+
ש [Sina]
20 Te tiai nei oia i to ˈna mau ivi atoa.Aita hoê i ofatihia.+
ת [Tau]
21 E pohe te feia ino i te ati.E faahapahia te feia mea hae na ratou i te taata parau-tia.
22 Te hoo mai ra Iehova i te ora o ta ˈna mau tavini.Eita te feia e imi ra i te haapuraa ia ˈna ra e faahapahia.+
Nota i raro i te api
^ Aore ra “o te toaruaru ra.”
