Salamo 46:1-11
Na te aratai o te feia himene. Himene a te mau tamaiti a Kora,+ ia au i te Alamota.*
46 O te Atua to matou haapuraa e puai,+E tauturu oia i te taime ahoaho.+
2 Eita ïa matou e mǎtaˈu, noa ˈtu e taui te fenua,Noa ˈtu e hee te mau mouˈa i roto i te moana hohonu,+
3 Noa ˈtu e haruru te pape a arepurepu ai,+Noa ˈtu e aueue te mau mouˈa no te arepurepu o te moana. (Sela)
4 Te vai ra te hoê anavai e na to ˈna mau taheraa pape e faaoaoa i te oire o te Atua,+Te sekene hanahana moˈa o Tei Teitei Roa ˈˈe.
5 Tei roto te Atua i te oire,+ eita e nehenehe e haamou atu.
E haere mai te Atua e tauturu ia ˈna i te aahiata.+
6 Ua arepurepu te mau nunaa, ua haamouhia te mau faatereraa arii.Ua faateitei oia i to ˈna reo e tahe ihora te fenua.+
7 Tei ia matou ra Iehova o te mau nuu.*+O te Atua o Iakoba to matou haapuraa papu. (Sela)
8 A haere mai e a hiˈo i te mau ohipa a Iehova,Mea nafea oia i te raveraa i te mea faahiahia i nia i te fenua.
9 Te faaore nei oia i te mau tamaˈi ati aˈe i te fenua.+
Te ofati nei oia i te fana e te tuparari nei i te omore.Te tutui nei oia i te mau pereoo faehau.*
10 “A faaea, e ia ite outou e o vau te Atua.
E faahanahanahia vau i rotopu i te mau nunaa.+E faahanahanahia vau i nia i te fenua.”+
11 Tei ia matou ra Iehova o te mau nuu.+O te Atua o Iakoba te haapuraa papu no matou.+ (Sela)
