Salamo 57:1-11
Na te aratai o te feia himene, i nia “Eiaha e haamou.” Miketama* a Davida. A horo ai oia i roto i te hoê ana no Saula.+
57 A faaite mai i to farii maitai, e te Atua e, a faaite mai i to farii maitai,Te imi ra hoi au i te haapuraa ia oe ra,+E te imi ra vau i te haapuraa i raro aˈe i te marumaru o to pererau e hope noa ˈtu te ati.+
2 Te tiaoro nei au i te Atua Tei Teitei Roa ˈˈe,I te Atua mau, o te faaore i te mau ati no ˈu.
3 E tono oia i te tauturu mai te raˈi mai a faaora ˈtu ai ia ˈu.+
E haafifi oia i te taata o te tamata i te haru ia ˈu. (Sela)
E tono te Atua i to ˈna here taiva ore e to ˈna haapao maitai.+
4 Te haaatihia ra vau e te liona.+Mea titauhia ia taoto vau i ropu i te mau taata o te hinaaro ra e tairi ia ˈu,E omore e e teˈa to ratou mau nihoE e ˈoˈe oi to ratou arero.+
5 A faateitei ia oe i nia ˈˈe i te mau raˈi, e te Atua e.Ei nia to hanahana i te fenua taatoa.+
6 Ua faaineine ratou i te hoê upeˈa no te haru i to ˈu avae.+Ua fefe roa vau i te ahoaho.+
Ua ô ratou i te hoê apoo i mua ia ˈu,O ratou râ tei marua ˈtu i roto.+ (Sela)
7 E aau aueue ore to ˈu, e te Atua e,+E aau aueue ore to ˈu.
E himene au a faataˈi ai i te upaupa.
8 A ara mai, to ˈu hanahana.
A ara mai, e te upaupa taura. O oe atoa te kinura.
E faaara vau i te aahiata.+
9 E arue au ia oe i rotopu i te mau nunaa, e Iehova.+E himene au i te arueraa* ia oe i rotopu i te mau nunaa.+
10 E here taiva ore rahi hoi to oe, mea teitei mai te mau raˈi,+E to haapao maitai, ua tae roa ïa i nia i te mau ata.
11 A faateitei ia oe i nia ˈˈe i te mau raˈi, e te Atua e.Ei nia to hanahana i te fenua taatoa.+
