Salamo 6:1-10
Na te aratai o te feia himene. Ia apeehia i te upaupa taura faatanohia i nia i te Seminita.* Salamo a Davida.
6 E Iehova, eiaha e tamaˈi ia ˈu i roto i to oe riri,Eiaha e aˈo ia ˈu i roto i to oe riri rahi.+
2 A faaite mai i to farii maitai,* e Iehova, te paruparu ra hoi au.
A faaora mai ia ˈu, e Iehova,+ te rûrû nei hoi to ˈu mau ivi.
3 E peapea rahi to ˈu,+E te ani nei au ia oe, e Iehova, ehia â maororaa vau e faaoromai ai i to ˈu ati?+
4 A hoˈi mai, e Iehova, e a faaora ia ˈu.+A faaora ia ˈu no to here taiva ore.+
5 Aita hoi e parau no nia* ia oe i roto i te pohe.O vai te arue ia oe i roto i te Apoo?*+
6 Ua rohirohi roa vau i te autâraa.+I te mau po atoa, te faarari nei au i to ˈu roˈi i te roimata,Te faarari nei au i to ˈu tofa i te roimata.+
7 Ua paruparu to ˈu mata i to ˈu otoraa.+Ua mohimohi to ˈu mata no te feia e hamani ino noa ra ia ˈu.
8 A faaatea ˈtu outou ia ˈu, e te feia ohipa ino,E faaroo hoi Iehova i ta ˈu taˈi.+
9 E faaroo mai Iehova ia ani au i ta ˈna farii maitai.+E farii Iehova i ta ˈu pure.
10 E faahaamahia to ˈu mau enemi e e peapea ratou.E otohe taue ratou ma te haama.+
