Salamo 66:1-20
Na te aratai o te feia himene. Himene. Salamo.
66 A huro i te Atua, e te fenua taatoa e.+
2 A himene i te arueraa* i to ˈna iˈoa hanahana.
Ia hanahana te arueraa ia ˈna.+
3 A parau i te Atua: “Mea riaria ta oe mau ohipa!+
No to oe puai rahi,E tapiri to oe mau enemi ia oe ma te rûrû.+
4 E piˈo to te fenua taatoa i mua ia oe.+E himene ratou i te arueraa ia oe.E himene ratou i te arueraa i to iˈoa.”+ (Sela)
5 A haere mai e a hiˈo i te mau ohipa a te Atua.
Mea riaria te mau ohipa ta ˈna i rave i te mau tamaiti a te taata nei.+
6 Ua faariro oia i te miti ei fenua mǎrô.+Mea na avae ratou i te haereraa i te tahi atu pae o te anavai.+
Oaoa ihora matou ia ˈna no ta ˈna i rave no matou.+
7 Te faatere nei oia e a muri noa ˈtu+ ma to ˈna puai rahi.
Tei nia noa to ˈna mata i te mau nunaa.+
Eiaha te feia haapaari ia faateitei ia ratou.+ (Sela)
8 A arue i to matou Atua, outou te mau nunaa,+E ia faaroohia te arueraa no ˈna.
9 Te tiai nei hoi oia ia matou,+Aita oia e vaiiho ra i to matou avae ia turori.*+
10 Ua hiˈopoa hoi oe ia matou e te Atua e.+Ua tamâ oe ia matou mai te ario ia tamâhia.
11 Ua faahaere oe ia matou i roto i te hoê upeˈa.Ua tuu oe i te hoê hopoia teiaha i nia ia matou.*
12 Ua farii oe ia taataahihia matou e te taata.*Ua haere mai matou na roto i te auahi e te papeE ua hopoi oe ia matou i te hoê vahi tamǎrûraa.
13 E tomo vau i roto i to fare e te tusia taauahi.+E faatupu vau i ta ˈu i euhe ia oe,+
14 Te parau ta to ˈu utu i fafau+E ta to ˈu vaha i parau a ahoaho ai au.
15 E pûpû vau i te animara haaporiahia ei tusia taauahi ia oe,E te mamoe oni ei tusia au auahi.
E pûpû vau i te puaatoro oni e te puaaniho oni. (Sela)
16 A haere mai e a faaroo, outou paatoa o te mǎtaˈu ra i te Atua,E e faaite atu vau eaha ta ˈna i rave no ˈu.+
17 Ua tiaoro vau ia ˈna i to ˈu vahaE ua faahanahana vau ia ˈna i to ˈu arero.
18 Ahiri au i faatupu i te hoê mea ino i roto i to ˈu aau,Eita Iehova e faaroo mai ia ˈu.+
19 Ua faaroo mai râ te Atua.+Ua faaroo mai oia i ta ˈu pure.+
20 A arue i te Atua, o tei ore i patoi i ta ˈu pureE o tei ore i tapea i to ˈna here taiva ore ia ˈu.
Nota i raro i te api
^ Aore ra “hauti i te upaupa.”
^ Aore ra “peretete.”
^ Heb: “to matou tauupu.”
^ Heb: “ia haere te taata na nia i te puaahorofenua na nia i to matou upoo.”
