Salamo 81:1-16
Na te aratai o te feia himene. Na nia i te Gitita.* Na Asapha.+
81 A umere i te Atua to tatou puai.+
A huro i te Atua o Iakoba.
2 A hauti i te upaupa e a rave i te tariparau,Te kinura navenave e te upaupa taura.
3 A faaoto i te pu tara i te avaˈe apî,+I te atiraa avaˈe, no te mahana o ta tatou oroa.+
4 E faaueraa mana hoi te reira no Iseraela,E faaotiraa na te Atua o Iakoba.+
5 Ua haamau oia i te reira ei haamanaˈoraa no Iosepha+A haere ai Oia na roto i te fenua o Aiphiti.+
Ua faaroo vau i te hoê reo ta ˈu i ore i taa:
6 “Ua tatara vau i te hopoia i nia i to ˈna tapono.+Ua rave au i te ete i to ˈna rima ra.
7 I roto i to oe ati, ua tiaoro oe e ua faaora vau ia oe.+Ua pahono vau ia oe mai roto mai i te ata patiri.*+
Ua tamata vau ia oe i te mau pape ra o Meriba.*+ (Sela)
8 To ˈu nunaa, a faaroo mai e e faaite atu vau eaha ta ˈu ia outou.
E Iseraela e, ahiri oe e faaroo mai ia ˈu.+
9 I ropu ia oe, eita e itehia te atua ê,E eita oe e tipapa i mua i te hoê atua ê.+
10 O vau to Atua, o Iehova,Tei aratai ia oe i rapae i te fenua o Aiphiti.+
A hamǎmǎ faarahi i to oe vaha e na ˈu e faaî atu.+
11 Aita râ to ˈu nunaa i faaroo i to ˈu reo.Aita Iseraela i auraro ia ˈu.+
12 Ua vaiiho ïa vau ia ratou ia pee i to ratou aau mârô.Ua rave ratou i ta ratou i manaˈo na e mea maitai.*+
13 Ahiri to ˈu nunaa i faaroo ia ˈu,+Ahiri Iseraela i haapao i to ˈu mau eˈa!+
14 E oioi to ratou mau enemi i te vî ia ˈu.E fariu vau i to ˈu rima i nia i to ratou mau enemi.+
15 Tei hae ra ia Iehova, e faatietie ïa ratou ia ˈna i mua i to ˈna aro,E e hopea* mure ore to ratou.
16 E faaamu oia ia oe* i te sitona maitai roa ˈˈe,*+E e haapaia oia ia oe i te meri o te mato.”+
Nota i raro i te api
^ “Tamaˈiraa” te auraa.
^ Heb: “i te vahi moˈe o te patiri.”
^ Heb: “Ua haapao noa ratou i ta ratou mau aˈoraa.”
^ Heb: “taime.”
^ Heb: “ia ratou,” oia hoi to te Atua nunaa.
^ Heb: “te hinu o te sitona.”
