Salamo 85:1-13
Na te aratai o te feia himene. Salamo a te mau tamaiti a Kora.+
85 Ua faaite oe, e Iehova, i to farii maitai i to fenua.+Ua faahoˈi mai oe i to Iakoba ra o tei hopoi-tîtî-hia.+
2 Ua faaore oe i te hapa a to nunaa,Ua faaore* oe i ta ratou mau hara atoa.+ (Sela)
3 Ua tapea oe i to oe riri taatoa.Ua fariu ê oe i to oe riri uˈana.+
4 A faahoˈi mai ia matou, e te Atua o to matou faaoraraa,E a tuu i te hiti i to oe riri ia matou.+
5 E riri anei oe ia matou e a muri noa ˈtu?+
E tamau anei oe i to oe riri e tae noa ˈtu i te mau uˈi i muri mai?
6 Eita anei oe e horoa faahou mai i te itoito ia matouIa oaoa to nunaa ia oe ra?+
7 A faaite i to here taiva ore ia matou, e Iehova,+E a ho mai i to faaoraraa.
8 E faaroo vau i ta te Atua mau ra o Iehova e parau ra,E parau hau hoi ta ˈna e faaite i to ˈna nunaa,+ to ˈna feia taiva ore.Eiaha faahou râ ratou ia tiaturi rahi roa ia ratou iho.+
9 Mea piri mau â ta ˈna faaoraraa i tei mǎtaˈu ra ia ˈna,+Ia parahi to ˈna hanahana i to tatou nei fenua.
10 E farerei te here taiva ore e te haapao maitai.E haere amui te parau-tia e te hau.+
11 E oteo mai te haapao maitai mai raro mai i te repo,E e hiˈo te parau-tia i raro mai nia mai i te raˈi.+
12 Oia, e horoa Iehova i te mea maitai,+E e horoa mai to tatou fenua i to ˈna mau hotu.+
13 E haere te parau-tia na mua ia ˈna+A faaineine atu ai i te hoê eˈa no to ˈna mau taahiraa avae.
Nota i raro i te api
^ Heb: “tapoˈi.”
