Salamo 86:1-17
Pure a Davida.
86 A fariu mai i to tariˈa,* e Iehova, e a pahono mai ia ˈu,Tei roto hoi au i te ati e te veve.+
2 A tiai i to ˈu ora, no to ˈu taiva ore.+
A faaora i to tavini o te tiaturi ra ia oe,O oe hoi to ˈu Atua.+
3 A faaite mai i to farii maitai e Iehova,+Te tiaoro ra hoi au ia oe i te roaraa o te mahana.+
4 A faaoaoa i to tavini,Te fariu nei hoi au ia oe ra e Iehova.
5 Mea maitai hoi oe e Iehova,+ e ua ineine i te faaore i te hara,+E here taiva ore rahi to oe i te feia e tiaoro ra ia oe.+
6 A faaroo mai, e Iehova, i ta ˈu pure.E a fariu mai i to tariˈa i ta ˈu mau aniraa i te tauturu.+
7 Te tiaoro nei au ia oe i te mahana o to ˈu ati,+E pahono mai hoi oe ia ˈu.+
8 Aita ˈtu mai ia oe i rotopu i te mau atua, e Iehova,+Aita e ohipa mai ta oe ra mau ohipa.+
9 E haere mai te mau nunaa atoa ta oe i poieteE tipapa i mua ia oe, e Iehova,+E e faahanahana ratou i to iˈoa.+
10 E Atua rahi hoi oe, e e ohipa faahiahia ta oe e rave nei.+O oe te Atua, o oe anaˈe.+
11 A haapii mai ia ˈu i to eˈa, e Iehova.+
E haere au na roto i to parau mau.+
Ia hoê to ˈu aau ia mǎtaˈu vau i to iˈoa.+
12 To ˈu Atua e Iehova, te arue nei au ia oe ma to ˈu aau atoa,+E e faahanahana vau i to iˈoa e a muri noa ˈtu,
13 E here taiva ore rahi hoi to oe ia ˈu nei,E ua faaora oe ia ˈu i te hohonuraa o te Apoo.*+
14 E te Atua e, te tia mai ra te feia teoteo no te patoi ia ˈu.+Te imi nei te hoê pǔpǔ taata ino i te rave i to ˈu ora,E aita roa ˈtu ratou e tâuˈa ra ia oe.+
15 Tera râ, e Atua aroha hamani maitai e te aumihi oe, e Iehova,O te ore e riri oioi e o tei rahi i te here taiva ore e te haapao maitai.*+
16 A fariu mai ia ˈu nei e a faaite mai i to farii maitai.+
A horoa i to puai i to tavini,+E a faaora i te tamaiti a to tavini vahine.
17 A faaite mai i te tahi tapao* o to maitai,Ia ite te feia e hae ra ia ˈu i te reira e ia haama ratou.
O oe hoi ta ˈu tauturu e tei tamahanahana ia ˈu, e Iehova.
Nota i raro i te api
^ Aore ra “piˈo mai e a faaroo.”
^ Aore ra “parau mau.”
^ Aore ra “haapapuraa.”
