Salamo 96:1-13
96 A himene ia Iehova i te hoê himene apî.+
A himene no Iehova, e to te fenua atoa e!+
2 A himene ia Iehova, a arue i to ˈna iˈoa.
A faaite i te parau apî oaoa o ta ˈna faaoraraa i te mau mahana atoa.+
3 A faaite i to ˈna hanahana i rotopu i te mau nunaa,Ta ˈna mau ohipa faahiahia i rotopu i te mau opu atoa.+
4 E Atua rahi o Iehova e e au ia ˈna te arueraa.
E tano ia mǎtaˈuhia oia hau aˈe i te tahi atu mau atua.
5 E atua faufaa ore anaˈe te mau atua o te mau nunaa,+O Iehova râ, na ˈna i hamani i te raˈi.+
6 Tei mua ia ˈna te tura e te hanahana,+Tei roto i to ˈna nao* te puai e te unauna.+
7 A faahoˈi atu i tei au ia Iehova, outou te mau utuafare o te mau nunaa,A faahoˈi atu i tei au ia Iehova no to ˈna hanahana e to ˈna puai.+
8 A faahoˈi atu ia Iehova i te hanahana e au i to ˈna iˈoa.+A afai mai i te hoê ô e a haere mai i roto i to ˈna mau aua.
9 A tipapa i mua* ia Iehova ma te ahu moˈa.*A rûrû i mua ia ˈna, e to te fenua atoa e!
10 A faaite i rotopu i te mau nunaa: “Ua riro mai Iehova ei Arii!+
Mea mau papu te fenua,* eita e nehenehe e faahautiuti.*
E haava* oia i te mau nunaa ma te parau-tia.”+
11 Ia oaoa te raˈi, e ia oaoa te fenua.Ia haruru te miti e te mau mea atoa i roto.+
12 Ia oaoa te mau vahi aihere e te mau mea atoa i reira.+
Ia umere atoa te mau tumu atoa o te uru raau+
13 I mua ia Iehova, te haere mai ra* hoi oia,Te haere mai ra oia no te haava i te fenua.
E haava oia i te fenua* ma te parau-tia+E te mau nunaa ma to ˈna haapao maitai.+
Nota i raro i te api
^ Huri-atoa-hia “no te unauna o to ˈna moˈaraa.”
^ Aore ra “haamori.”
^ Aore ra “fenua ruperupe.”
^ Aore ra “faatioioi.”
^ Aore ra “tauturu.”
^ Aore ra “ua haere mai.”
^ Aore ra “fenua ruperupe.”
