Salamo 98:1-9
-
Iehova, Haava parau-tia e Faaora
-
Ua faaite Iehova i ta ˈna faaoraraa (2, 3)
-
Salamo.
98 A himene ia Iehova i te hoê himene apî,+E ohipa faahiahia hoi ta ˈna i rave.+
Ua hopoi mai to ˈna rima atau, to ˈna rima moˈa, i te faaoraraa.*+
2 Ua faaite Iehova i ta ˈna faaoraraa.+Ua faaite oia i ta ˈna parau-tia i mua i te mau nunaa.+
3 Ua haamanaˈo oia i to ˈna here taiva ore e to ˈna haapao maitai i te nunaa o Iseraela.+
Ua ite te hopea atoa o te fenua i te faaoraraa* a to tatou Atua.+
4 A huro ia Iehova, e te fenua taatoa e.
A oaoa, a umere e a himene i te arueraa.*+
5 A himene i te arueraa* ia Iehova i te kinura,I te kinura e te himene navenave.
6 I te pu e te taˈi o te pu tara,+A huro i mua i te Arii, o Iehova.
7 Ia haruru te miti e te mau mea atoa i roto,Te fenua* e pauroa o te parahi ra i reira.
8 Ia paipai te mau anavai i to ratou rima.Ia umere paatoa te mau mouˈa+
9 I mua ia Iehova, te haere mai ra* hoi oia no te haava i te fenua.
E haava oia i te fenua* ma te parau-tia+E te mau nunaa ma te tano.+
Nota i raro i te api
^ Aore ra “Ua riro ia ˈna te upootiaraa i to ˈna rima atau, to ˈna rima moˈa.”
^ Aore ra “upootiaraa.”
^ Aore ra “hauti i te upaupa.”
^ Aore ra “hauti i te upaupa.”
^ Aore ra “fenua ruperupe.”
^ Aore ra “ua haere mai.”
^ Aore ra “fenua ruperupe.”
