Te piti o te buka a Samuela 22:1-51
22 Ua faaora Iehova ia Davida i te rima o to ˈna mau enemi atoa+ e i te rima o Saula.+ Himene atura ïa Davida i teie himene+ ia Iehova:
2 “O Iehova to ˈu mato e to ˈu haapuraa+ e na ˈna e faaora ia ˈu.+
3 O to ˈu Atua to ˈu mato,+ e haapu vau ia ˈna ra,Ta ˈu paruru+ e to ˈu tara* faaora,* to ˈu haapuraa papu+E te vahi e horo ai au,+ to ˈu faaora.+ Na oe e faaora ia ˈu i te feia hamani ino.
4 E tiaoro vau ia Iehova, tei au ia ˈna te arueraa,E e faaorahia vau i to ˈu mau enemi.
5 Ua fati te mau are o te pohe ati aˈe ia ˈu.+Ua mǎtaˈu vau i te pape pue o te feia haapaoraa ore.+
6 Ua haaati te mau taura o te Apoo* ia ˈu.+Ua tuu mai te pohe i te marei i mua ia ˈu.+
7 I roto i to ˈu ahoaho, ua tiaoro vau ia Iehova,+Ua tiaoro noa vau i to ˈu Atua.
E mai to ˈna hiero mai, ua faaroo mai oia i to ˈu reo,E ua tae roa ta ˈu taparuraa i te tauturu i to ˈna ra tariˈa.+
8 Aueue e hautiuti ihora te fenua.+Rûrû ihora te niu o te raˈi+E aueue ihora no te mea ua riri oia.+
9 Pee aˈera te au auahi mai roto mai i to ˈna apoo ihu,E pipiha maira te hoê auahi puai na roto mai i to ˈna vaha.+Ura ihora te arahu ama i mua ia ˈna.
10 Faahaehaa ihora oia i te raˈi a pou mai ai oia,+E e rumaruma rahi to raro aˈe i to ˈna avae.+
11 Ua parahi oia i nia i te hoê kerubi+ e mea rere i te haereraa mai.
Ua itehia oia na nia i te pererau o te hoê melahi.*+
12 Ua tuu oia i te poiri ati aˈe ia ˈna ei tamaru,+Te pape poiri e te ata meumeu.
13 Mai roto mai i te anaana i mua ia ˈna, ama aˈera te arahu ura.
14 Faaharuru ihora Iehova i te patiri i nia i te raˈi.+Faaite maira Tei Teitei Roa ˈˈe i to ˈna reo.+
15 Teˈa ihora oia i ta ˈna mau teˈa+ e haapurara ihora i to ˈna mau enemi.Tuu maira oia i te uira e faarapu ihora ia ratou.+
16 Itehia ˈtura te tahua o te moana.+Itehia ˈtura te mau niu o te fenua i te aˈo a Iehova,I te puhipuhiraa mataˈi no roto mai i to ˈna apoo ihu.+
17 Toro maira oia i to ˈna rima mai nia mai.Tapea ihora oia ia ˈu e huti maira ia ˈu mai raro mai i te pape hohonu.+
18 Faaora maira oia ia ˈu i to ˈu enemi puai,+I te feia e hae ra ia ˈu, te feia mea puai aˈe ia ˈu.
19 Ua tia mai ratou i mua ia ˈu a roohia ˈi au i te ati,+Na Iehova râ i tauturu ia ˈu.
20 Ua hopoi oia ia ˈu i te hoê vahi papu.*+Ua faaora oia ia ˈu no te mea ua mauruuru oia ia ˈu.+
21 Te haamaitai ra Iehova ia ˈu ia au i ta ˈu parau-tia.+Te faahoˈi mai ra oia i ta ˈu ia au i te hara ore* o to ˈu rima.+
22 Ua haapao noa hoi au i te mau eˈa o Iehova,E aita vau i rave i te mea ino a faarue atu ai i to ˈu Atua.
23 Tei mua ia ˈu ta ˈna mau faaueraa+ atoa.Eita vau e fariu ê i ta ˈna mau faatureraa.+
24 E vai hapa ore+ noa vau i mua ia ˈna,E e ara vau eiaha e rave i te hape.+
25 Ia haamaitai Iehova ia ˈu ia au i ta ˈu parau-tia,+Ia au i to ˈu hara ore i mua ia ˈna.+
26 Eita oe e taiva i te taata taiva ore.+Mea haapao maitai oe i te taata haapao maitai.+
27 I nia i te taata haavare ore, e haa oe ma te maitai.+Area i nia i te taata piˈo, e haa oe ma te maramarama.*+
28 Te faaora ra hoi oe i te feia haehaa,+Tei nia râ to oe mata i te feia teoteo, e te faahaama ra oe ia ratou.+
29 O oe hoi ta ˈu mori, e Iehova.+Na Iehova e turama i te poiri ati aˈe ia ˈu.+
30 Maoti ta oe tauturu e nehenehe ai au e horo na muri i te hoê pǔpǔ eiâ.Maoti te puai o te Atua e nehenehe ai au e pauma i nia i te hoê patu.+
31 Mea tia roa te eˈa o te Atua mau.+Mea viivii ore* te parau a Iehova.+
E paruru oia no te feia e haapu ra ia ˈna ra.+
32 O vai hoi te Atua maori râ o Iehova?+
E o vai te mato maori râ o to tatou Atua?+
33 O te Atua mau to ˈu haapuraa paari,+E e faaafaro oia i to ˈu eˈa.+
34 Te faariro nei oia i to ˈu avae mai to te aili.Te faatia nei oia ia ˈu i nia i te mau vahi teitei.+
35 Te faaineine nei oia i to ˈu rima no te tamaˈi.Ua ite to ˈu rima i te huti i te fana veo.
36 E horoa mai oe i ta oe paruru no te faaora ia ˈu,E te faarahi ra to haehaa ia ˈu.+
37 Te faaaano ra oe i te eˈa no to ˈu taahiraa avae.Eita to ˈu avae e hee.+
38 E aˈuaˈu vau i to ˈu mau enemi a haamou atu ai ia ratou.Eita vau e hoˈi mai e mou noa ˈtu ratou.
39 E tairi e e taataahi au ia ratou, a ore atu ai ratou e tia faahou mai.+E marua ratou i to ˈu pae avae.
40 E horoa mai oe i te puai no te aroraa.+E haamarua oe i to ˈu mau enemi i raro aˈe ia ˈu.+
41 E faaotohe oe i to ˈu mau enemi mai mua mai ia ˈu.*+E haapohe au* i tei hae ia ˈu.+
42 Te pii ra ratou ia tauturuhia ratou, aita râ hoê no te faaora ia ratou.Te tiaoro atoa ra ratou ia Iehova, aita râ oia e pahono ra ia ratou.+
43 E faahuˈahuˈa roa vau ia ratou mai te repo o te fenua.E haapuehu vau ia ratou a taataahi atu ai ia ratou mai te vari na te mau aroâ.
44 E faaora oe ia ˈu i te mau faahaparaa a to ˈu nunaa.+
E paruru oe ia ˈu ia riro vau ei raatira no te mau nunaa.+Na te hoê nunaa o ta ˈu i ore i matau e tavini ia ˈu.+
45 E tipapa te feia ěê i mua ia ˈu ma te riaria.+E auraro ratou ia ˈu no ta ratou e faaroo ra no nia ia ˈu.*
46 E ere te feia ěê i te itoito.*E haere mai ratou i rapae i to ratou mau pare a rûrû noa ˈi.
47 E Atua ora o Iehova! Ia aruehia to ˈu Mato!+
Ia faateiteihia te Atua, te Mato o te faaora ia ˈu.+
48 Te tahoo ra te Atua mau no ˈu.+Te tuu ra oia i te mau nunaa i raro aˈe ia ˈu.+
49 Te faaora nei oia ia ˈu i to ˈu mau enemi.
Te faateitei nei oe ia ˈu+ i nia ˈˈe i tei aro mai ia ˈu.Te faaora nei oe ia ˈu i te taata hamani ino.+
50 No reira, e haamauruuru vau ia oe i rotopu i te mau nunaa, e Iehova,+E e himene au i te arueraa* i to iˈoa:+
51 Te faatupu ra oia i te ohipa faaoraraa rahi no to ˈna arii.*+Te faaite ra oia i te here taiva ore i ta ˈna i faatavai,Ia Davida e to ˈna huaai e a muri noa ˈtu.”+
Nota i raro i te api
^ Aore ra “to ˈu faaora puai.”
^ Aore ra “o te mataˈi.”
^ Aore ra “vahi ateatea.”
^ Heb: “te viivii ore.”
^ Huri-atoa-hia “haa oe mai te maamaa ra.”
^ Aore ra “tamatahia i te auahi.”
^ Aore ra “E tuu mai oe i te tua o to ˈu mau enemi.”
^ Heb: “haamamû vau.”
^ Heb: “Ia faaroo ratou i to ratou iho tariˈa, e auraro ratou ia ˈu.”
^ Aore ra “E paruparu te feia ěê.”
^ Aore ra “e hauti au i te upaupa.”
^ Aore ra “Te horoa ra oia i te upootiaraa rahi i to ˈna arii.”