Te piti o te buka a Samuela 23:1-39
23 Teie te mau parau hopea a Davida:+
“Te parau a Davida te tamaiti a Iese,+Te parau a te tane tei faateiteihia,+Te tane ta te Atua o Iakoba i faatavai,+Te tane tei auhia ia faaroo ia himene i te mau himene+ a Iseraela.
2 Ua paraparau te varua o Iehova na roto ia ˈu.+Tei nia ta ˈna parau i to ˈu arero.+
3 Ua paraparau mai te Atua o Iseraela.Ua parau mai te Mato o Iseraela+ ia ˈu:
‘E faatere parau-tia anaˈe to nia i te huitaata,+O te faatere ma te mǎtaˈu i te Atua,+
4 Mai te maramarama o te ao ïa ia hiti te mahana,+Te hoê poipoi aita e ata.
Mai te anaana i muri aˈe i te ûa,O te faatupu i te matie i nia i te fenua.’+
5 Mai tera to ˈu utuafare i mua i te Atua.
Ua faaau hoi oia i te hoê faufaa mure ore ia ˈu,+Mea naho maitai i roto i te mau tuhaa rii atoa e mea papu.
Tei taua faufaa ra hoi to ˈu faaoraraa e to ˈu oaoaraa,E ere anei no te reira oia i faaruperupe ai i to ˈu utuafare?+
6 E faaorehia te feia haapaoraa ore+ mai te raau taratara,Eita hoi e haere ia rave i te reira i te rima.
7 Ia tapea te hoê taata i te reira,E paruru maitai oia ia ˈna i te auri e te hoê raau omore,E tutuihia ratou i reira.”
8 Teie te iˈoa o na aito puai roa ˈˈe+ e toru a Davida: Ioseba-basebeta ati Hakemoni, te raatira o na aito e toru.+ I te hoê mahana, ua haapohe oia 800 taata i ta ˈna omore.
9 I muri aˈe ia ˈna, o Eleazara+ ïa te tamaiti a Dodo+ te tamaiti a Ahohi, o ˈna hoê o na toru aito puai roa ˈˈe. O ratou Davida ma tei aa i te mau Philiseti, o tei haaputuputu ia ratou no te aro i to Iseraela. I tera mahana, ua otohe te mau faehau Iseraela.
10 Aro noa ˈtura râ Eleazara i te mau Philiseti e tairi ihora ia ratou e rohirohi noa ˈtu to ˈna rima a paruparu roa ˈtu ai i te tapearaa i te ˈoˈe.+ E upootiaraa* rahi ïa ta Iehova i tera mahana.+ Hoˈi maira te mau faehau na muri ia Eleazara no te eiâ i te mau taoˈa a te feia i haapohehia.
11 Te toru, o Sama ïa te tamaiti a Age te ati Harari. Ua haaputuputu te mau Philiseti i Lehi i te hoê tâpû fenua ua î i te pǐpǐ. Ua horo ê te mau faehau no te mau Philiseti.
12 Tia ihora râ oia i ropu i te faaapu e paruru ihora i taua faaapu ra. Tairi ihora oia i te mau Philiseti e faatupu ihora Iehova i te hoê upootiaraa* rahi.+
13 I te tau ootiraa, pou atura e toru no roto mai i na 30 raatira ia Davida ra i te ana o Adulama.+ Te puhapa ra ïa te hoê pǔpǔ faehau Philiseti i te peho o te ati Repha.+
14 Tei roto ïa Davida i to ˈna haapuraa,+ e tei Betelehema te hoê puhapa faehau a te mau Philiseti.
15 Faaite atura Davida i to ˈna hinaaro: “Ahani ta ˈu e nehenehe e inu i te pape no ǒ mai i te apoo pape i pihai iho i te uputa o Betelehema!”
16 I reira, tomo ihora na toru aito puai roa ˈˈe i roto i te puhapa a te mau Philiseti, huti ihora i te pape no roto mai i te apoo i pihai iho i te uputa o Betelehema e hopoi maira i te reira ia Davida ra. Aita râ oia i farii i te inu e manii ihora oia i taua pape ra i raro i mua ia Iehova.+
17 Na ô aˈera oia: “E Iehova, eita roa ˈtu ta ˈu e nehenehe e inu i teie pape. Mai te mea ra ïa e te inu ra vau i te toto+ o te mau tane o tei faaû i te pohe no te tii mai i teie pape.” Aita aˈera ïa oia i inu i te reira. Tera te mau ohipa ta ta ˈna e toru aito puai roa ˈˈe i rave.
18 E raatira atoa o Abisai+ te taeae o Ioaba te tamaiti a Zeruia+ i nia e toru aito puai ê atu. I te hoê mahana, ua haapohe oia 300 taata i ta ˈna omore. Tui atura to ˈna roo mai to na aito puai roa ˈˈe e toru+ a Davida.
19 Noa ˈtu o ˈna tei matau-roa-hia i roto ia ratou e toru e o ˈna to ratou raatira, aita oia i tapae i te faito o na aito puai roa ˈˈe e toru a Davida.
20 E tane itoito* o Benaia+ te tamaiti a Iehoiada, mea rahi te ohipa ta ˈna i rave i Kabezeela.+ Ua taparahi oia i na tamaiti e piti a Ariela no Moabi. Ua pou atoa oia i roto i te hoê apoo pape i te hoê mahana hiona no te taparahi i te hoê liona.+
21 Ua taparahi atoa oia i te hoê tiapai taata Aiphiti. Ua aro Benaia ia ˈna i te hoê raau, area ta taua taata Aiphiti ra, e omore ïa. Haru maira oia i te omore i te rima o te taata Aiphiti e haapohe ihora ia ˈna i tera omore.
22 Tera te mau ohipa ta Benaia te tamaiti a Iehoiada i rave. Tui atura to ˈna roo mai no na aito puai roa ˈˈe e toru a Davida.
23 Noa ˈtu mea matauhia oia hau aˈe i na 30 taata, aita oia i tapae i te faito o na aito puai roa ˈˈe e toru a Davida. Tera râ, ua faatoroa Davida ia ˈna ei raatira no to ˈna feia tiai.
24 Tei rotopu o Asahela+ te taeae o Ioaba i na 30 taata. Teie te iˈoa o taua feia tamaˈi ra: Elehanana te tamaiti a Dodo no Betelehema,+
25 Sama no Haroda, Elika no Haroda,
26 Heleza+ no Bete-paleta, Ira+ te tamaiti a Ikesa no Tekoa,
27 Abi-ezera+ no Anatota,+ Mebunai ati Husa,
28 Zalamona ati Ahohi, Maharai+ no Netopha,
29 Heleba te tamaiti a Baanaha no Netopha, Itai te tamaiti a Ribai no Gibea a te ati Beniamina,
30 Benaia+ no Piratona, Hidai no te mau tahora i Gaasa,+
31 Abi-alabona no Bete-araba, Azamaveta no Bahurima,
32 Eliahaba no Saalabima, na tamaiti a Iasena, Ionatana,
33 Sama ati Harari, Ahiama te tamaiti a Sarara ati Harari,
34 Elipheleta te tamaiti a Ahasebai te tamaiti a te hoê taata no Maakata, Eliama te tamaiti a Ahitophela+ no Gilo,
35 Hezero no Karemela, Paarai no Araba,
36 Igala te tamaiti a Natana no Zoba, Bani ati Gada,
37 Zeleka ati Amona, Naharai no Beerota, te amo mauhaa a Ioaba te tamaiti a Zeruia,
38 Ira ati Ituri, Gareba ati Ituri,+
39 e Uria+ ati Heta, e 37 ia amuihia.
Nota i raro i te api
^ Aore ra “faaoraraa.”
^ Aore ra “faaoraraa.”
^ Heb: “E tamaiti na te hoê taata itoito.”
