Te Sire a Solomona 2:1-17
2 “E tiare noa hoi au o te vahi papu i te pae miti,E lili o te mau peho.”+
2 “Mai te hoê lili i rotopu i te mau raau taratara,O ta ˈu ïa here i rotopu i te mau vahine apî.”
3 “Mai te hoê tumu apara i rotopu i te mau tumu raau o te uru raau,O ta ˈu ïa hani i rotopu i te mau tane apî.
E hinaaro iti rahi to ˈu e parahi i raro aˈe i to ˈna marumaru,E mea monamona ta ˈna maa hotu i to ˈu vaha.
4 Ua aratai oia ia ˈu i te fare tamaaraa,*E o te here ta ˈna reva i nia ˈˈe ia ˈu.
5 A tamǎrû ia ˈu i te vine mǎrô pâpâhia.+A faaitoito ia ˈu i te apara,Te pohe nei hoi au i te maˈi o te here.
6 Tei raro aˈe to ˈna rima aui i to ˈu upoo,E te tauahi ra to ˈna rima atau ia ˈu.+
7 E faahoreo vau ia outou, e te mau tamahine o Ierusalema,I te zabi+ e te aili o te uru raau:
Eiaha e tamata i te faaara i te here i roto ia ˈu aita â anaˈe te here i ara ˈtura.+
8 Te faaroo ra vau i te reo o ta ˈu hani!
A hiˈo! Era oia e haere mai ra,A pauma ˈi na nia i te mau mouˈa, a ouˈa haere ai na nia i te mau aivi.
9 E au ta ˈu hani i te hoê zabi, e au i te hoê aili apî.+
Era oia e tia ra i muri mai i to matou patu,Te hiˈo ra na roto i te mau haamaramarama,Te fâao ra na roto i te varavara o te haamaramarama.
10 E paraparau mai ta ˈu hani, e na ô mai oia ia ˈu:
‘A tia mai, ta ˈu here,Ta ˈu purotu, e haere tâua.
11 Inaha, ua mairi te tau toˈetoˈe.*
Ua mau te ûa e ua ore.
12 Ua uaa te tiare i te fenua,+Ua tae mai te tau toperaa vine,+E te faaroohia ra te himene a te uupa i to tatou fenua.+
13 I nia i te tumu suke, ua paari te suke tei hotu na mua ˈˈe i te tau auhune.+Ua tiarehia te mau tumu vine e te hauˈahia ra to ratou noˈanoˈa.
A tia mai, ta ˈu here, e a haere mai.
E haere tâua, ta ˈu purotu.
14 E ta ˈu uupa e, i roto i te mau afâ mato,+I roto i te mau apoopoo o te mato tarere,E hinaaro vau e ite ia oe e e faaroo i to reo,+Mea navenave hoi to reo e mea nehenehe te tarairaa o to oe tino.’”+
15 “A haru i te mau alope,Te mau alope apî e tuino ra i te mau faaapu vine,Ua tiarehia hoi ta tatou mau faaapu vine.”
16 “No ˈu ta ˈu hani e no ˈna vau.+
Te aratai ra oia i ta ˈna nǎnǎ+ na roto i te mau lili.+
17 Hou a puvaivai ai* e a pee ai te marumaru,A haaviti i te hoˈi, ta ˈu hani,Mai te zabi+ aore ra te aili apî+ i nia i te mau mouˈa e faataa ê ra ia tâua.*
Nota i raro i te api
^ Heb: “fare o te uaina.”
^ Aore ra “tau ûa.”
^ Heb: “Hou te ao a puhi ai.”
^ Huri-atoa-hia “i nia ˈˈe i te afâ mouˈa.” Aore ra “mouˈa o Betera.”
