Te Sire a Solomona 3:1-11
3 “I nia i to ˈu roˈi i te po,Ua imi au i tei herehia e au.+
Ua imi au ia ˈna, aita râ vau i ite mai ia ˈna.+
2 E tia vau e e hahaere au na te oire.Na te mau aroâ e na te mau mahora o te oire,E imi au i tei herehia e au.
Ua imi au ia ˈna, aita râ vau i ite mai ia ˈna.
3 Ua farerei mai te mau tiai e hahaere ra na roto i te oire ia ˈu.+
‘Ua ite mai anei outou i tei herehia e au?’
4 No farerei noa ˈtu ra vau ia ratouI ite atu ai au i tei herehia e au.
Tapii atura vau ia ˈna, e aita vau i hinaaro e tuu ia ˈnaE ia aratai roa vau ia ˈna i roto i te fare o to ˈu metua vahine,+I roto i te piha o tei fanau mai ia ˈu.
5 E faahoreo vau ia outou, e te mau tamahine o Ierusalema,I te zabi e te aili o te uru raau:
Eiaha e tamata i te faaara i te here i roto ia ˈu aita â anaˈe te here i ara ˈtura.”+
6 “Eaha tera e pee ra i nia na te medebara mai e hohoˈa i te au auahi rahi,Faanoˈanoˈahia i te tapau mura e te tapau libano,I te mau ueue noˈanoˈa atoa a te taata tapihoo?”+
7 “A hiˈo! O te tofa o Solomona.
Ati aˈe te reira, e 60 ïa tane puaiO te mau tane puai o Iseraela,+
8 E ˈoˈe ta ratou pauroa,Ua tehu pauroa i te tamaˈi.E ˈoˈe ta ratou tataitahi i to ratou huhaNo te faaruru i te mau mea riaria o te po.”
9 “O te parahiraa* o te arii SolomonaTa ˈna i hamani no ˈna i te mau tumu raau o Lebanona.+
10 Ua hamani oia i to ˈna mau pou i te ario,To ˈna mau turuiraa i te auro.
E huruhuru mamoe vareau to ˈna parahiraa.Ua faaunaunahia to ˈna rotoraa ma te hereE te mau tamahine o Ierusalema.”
11 “E te mau tamahine o Ziona, a haereA hiˈo i te arii Solomona,Tei nia iho i to ˈna upoo te hei faaipoiporaa* ta to ˈna metua vahine+ i hamani no ˈnaI te mahana o to ˈna faaipoiporaa,I te mahana oaoaraa o to ˈna aau.”
Nota i raro i te api
^ E parahiraa tafare no te uta i te tahi taata tiaraa teitei.
^ Aore ra “hei tiare,” “hei rauere.”