Te Sire a Solomona 5:1-16
5 “Ua tomo vau i roto i ta ˈu ô,+E to ˈu tuahine, ta ˈu vahine momoˈa.
Ua haaputu vau i ta ˈu mura e ta ˈu mau faanoˈanoˈa.+
Ua amu vau i ta ˈu ofaaraa manu meri e ta ˈu meri.Ua inu vau i ta ˈu uaina e ta ˈu û.”+
“A tamaa, e te mau hoa here!
A inu e ia taero outou i te herehereraa!”+
2 “Te taoto ra vau, to ˈu râ aau te ara noa ra ïa.+
Te faaroo ra vau i ta ˈu hani e patoto ra!
‘A tatara mai, to ˈu tuahine, ta ˈu here,Ta ˈu uupa, to ˈu hoa maitai roa!
Ua rari hoi to ˈu upoo i te hupe,To ˈu rouru i te haumi o te po.’+
3 Ua tatara vau i to ˈu ahu,
Ia oomo faahou anei ïa vau?
Ua horoi au i to ˈu avae,
Ia faarepo faahou anei ïa vau?
4 Iriti ihora ta ˈu hani i to ˈna rima i nia i te apoo o te opani,E mihi ihora vau ia ˈna.
5 Tia aˈera vau e tatara i te opani i ta ˈu hani.Te topata noa ra te mura mai nia mai i to ˈu rima,E te monoˈi mura mai nia mai i to ˈu mau manimani rima,I nia i te tapea o te ponaoraa.
6 Tatara ihora vau i te opani i ta ˈu hani,Ua haere râ ta ˈu hani, ua reva oia.
Hepohepo ihora vau* i to ˈna revaraa.*
Ua imi au ia ˈna, aita râ vau i ite mai ia ˈna.+
Ua pii au ia ˈna, aita râ oia i pahono mai.
7 Ua farerei mai te mau tiai e hahaere ra na roto i te oire ia ˈu.
Ua tairi ratou ia ˈu, ua pepe au ia ratou.
Ua rave te mau tiai o te aua i to ˈu tahei* i nia ia ˈu.
8 E faahoreo vau ia outou, e te mau tamahine o Ierusalema:
Ia farerei outou i ta ˈu hani,A parau ia ˈna e te pohe nei au i te maˈi o te here.”
9 “Eaha te mea maitai aˈe o ta oe hani i te tahi atu mau tane,Oe te vahine nehenehe roa ˈˈe?
Eaha te mea maitai aˈe o ta oe hani i te tahi atu mau tane,E faahoreo ai oe ia matou mai tera?”
10 “Mea haviti ta ˈu hani e mea tarona to ˈna iri.Mea taa ê oia i rotopu hoê ahuru tausani.
11 E auro to ˈna upoo, o te auro maitai roa ˈˈe.
E au to ˈna rouru i te rau tamara e tahirihiri ra,*Mai te oreba te ereere.
12 E au to ˈna mata i te uupa i pihai iho i te mau taheraa pape,E hopu ra i roto i te û,Tei tau i pihai iho i te hoê pape hopu î maitai.*
13 E au to ˈna na papariˈa i te hoê faaapu faanoˈanoˈa,+E haapueraa repo î i te raau tupu noˈanoˈa.
E lili to ˈna utu, a topatapata mai ai te monoˈi mura.+
14 E auro to ˈna na manimani rima, e tarisisa te mau maiuu.
To ˈna tino, e ivori faaanaanahia ïa tei faaunaunahia i te saphira.
15 To ˈna na huha, e pou maremora ïa tei haamauhia i nia i te niu auro maitai roa ˈˈe.
E au to ˈna hohoˈa ia Lebanona, aita e faaauraa te haviti mai te arezi.+
16 Mea monamona to ˈna vaha,*E mea au te mau mea atoa i nia iho ia ˈna.+
O ta ˈu ïa hani, o ta ˈu ïa here, e te mau tamahine o Ierusalema.”
Nota i raro i te api
^ Huri-atoa-hia “Horuhoru ihora to ˈu aau i to ˈna paraparauraa.”
^ Aore ra “puroˈu.”
^ Huri-atoa-hia “peenave tamara.”
^ Huri-atoa-hia “i te hiti o te pape pihaa.”
^ Heb: “aroaro vaha.”