Te Sire a Solomona 6:1-13
6 “Ihea ta oe hani i te haereraa,Oe te vahine nehenehe roa ˈˈe?
Na teihea eˈa ta oe hani i te revaraa?
E imi matou ia ˈna na muri ia oe.”
2 “Ua pou ta ˈu hani i ta ˈna ô,I te mau faaapu raau tupu faanoˈanoˈa,No te aratai i ta ˈna nǎnǎ na roto i te mau ôE no te pofai i te lili.+
3 No ta ˈu hani au,E no ˈu ta ˈu hani.+
Te aratai ra oia i ta ˈna nǎnǎ na roto i te mau lili.”+
4 “Mea nehenehe oe mai ia Tireza,*+ ta ˈu here,+Mea haviti mai ia Ierusalema,+Mea faahiahia mai te mau nuu ati aˈe ta ratou mau reva.+
5 A fariu ê i to oe mata+ ia ˈu,Te horuhoru ra hoi to ˈu aau.
To oe rouru, mai te hoê ïa nǎnǎ puaanihoE haapou vitiviti mai ra na nia mai i te mau taha mouˈa o Gileada.+
6 To oe mau niho, mai te hoê ïa nǎnǎ mamoeE haere mai ra i rapae i te pape i muri iho i te tamâraahia,E maehaa to ratou pauroa,E aita hoê i ere i ta ˈna fanauˈa.
7 Mai te hoê tâpû remunaTo oe na papariˈa* i muri mai i to oe puroˈu.
8 Te vai ra paha e 60 arii vahineE 80 tavini vahineE te vahine apî eita e nehenehe e taio.+
9 Hoê anaˈe râ e uupa na ˈu,+ to ˈu hoa maitai roa.
O ˈna anaˈe te tamahine a to ˈna metua vahine.
O ˈna te mea here-roa-hia e* tei fanau mai ia ˈna.
E ite te mau tamahine ia ˈna, e e parau ratou i te parau maitai no ˈna.E ite te mau arii vahine e te mau tavini vahine ia ˈna, e e arue ratou ia ˈna.
10 ‘O vai tera vahine e anaana ra* mai te aahiata,Mea nehenehe mai te atiraa avaˈe,Mea viivii ore mai te marama o te mahana,Mea faahiahia mai te mau nuu ati aˈe ta ratou mau reva?’”+
11 “Ua pou vau i te ô maa hotu+No te hiˈo i te mau omou i roto i te peho,No te ite ua oteo mai anei te vine,Ua tiarehia anei te mau tumu remuna.
12 Hou râ a taa ˈi ia ˈu te ohipa e tupu ra,Ua aratai to ˈu hiaai ia ˈuI te mau pereoo o te feia tiaraa teitei* o to ˈu nunaa.
13 “A hoˈi mai, a hoˈi mai, e te vahine Sulami!
A hoˈi mai, a hoˈi mai,Ia nehenehe matou e hiˈo i to oe nehenehe!”
“Eaha outou e hiˈo ai i te vahine Sulami?”+
“E au oia i te ori a e piti pǔpǔ!”*
Nota i raro i te api
^ Aore ra “Oire nehenehe.”
^ Aore ra “Na aoao o to oe upoo.”
^ Heb: “viivii ore na.”
^ Heb: “e hiˈo ra i raro.”
^ Aore ra “aau tae.”
^ Aore ra “te ori a Mahanaima.”
