Te Sire a Solomona 7:1-13
7 “Mea nehenehe mau â to oe avae i roto i to oe tiaa,E te tamahine faaturahia!
E au te tarairaa o to oe huha i te faaunauna,Te ohipa a te hoê rimaî.
2 E auˈa menemene to oe pito.
Ia î noa te reira i te uaina anoihia.
E haapueraa sitona to oe opu,Haaatihia i te lili.
3 E au to oe tîtî i e piti aili apî,Na maehaa a te hoê zabi.+
4 E au to oe arapoa+ i te pare ivori.+
E au to oe mata+ i te mau pape hopu i Hesebona,+I pihai iho i te uputa o Bati-rabimi.
E au to oe ihu i te pare o Lebanona,Mea huri tia ia Damaseko ra.
5 Mea nehenehe to oe upoo mai te Karemela,+E e au to oe rouru*+ i te huruhuru mamoe vareau.+
Ua au roa te arii i to oe rouru roa nehenehe.
6 Mea nehenehe mau â oe, e mea haviti mau â oe,Ta ˈu here, hau aˈe i te tahi atu mau mea navenave atoa!
7 E au to oe roa i te hoê tumu tamara,E e au to oe tîtî i te peenave tamara.+
8 Ua parau vau: ‘E tauma vau i nia i te tumu tamaraNo te haru i te mau peenave tamara.’
Ia riro to oe tîtî mai te mau peenave vine,Te noˈanoˈa o to oe aho mai te apara,
9 E to oe vaha* mai te uaina maitai roa ˈˈe.”
“Ia topa maitai te reira i roto i te arapoa o ta ˈu hani,Mai te uaina e tahe mǎrû noa ra i nia iho i te utu o te feia e taoto ra.
10 No ta ˈu hani au,+E o vau ta ˈna e hinaaro ra.
11 A haere mai, ta ˈu hani,E haere anaˈe i rapae.E parahi anaˈe i rotopu i te mau raau tupu kaphara.+
12 E tia tâua i te poipoi roa, a haere atu ai i te mau faaapu vineNo te hiˈo ua oteo mai anei te vine,Ua uaa anei te mau tiare,+Ua tiarehia anei te mau tumu remuna.+
I reira vau e faaite atu ai i to ˈu here ia oe.+
13 Te mâˈi ra te noˈanoˈa o te mau dudaima.+Ua rau te maa hotu maitai roa ˈˈe i to tâua na opani.+
Tei pofaihia mai nei e tei pofai-aˈena-hia,Ta ˈu hani, ua haapue vau i te reira no oe.
