Te mau tavana 5:1-31
5 I taua mahana ra, himene aˈera Debora+ raua Baraka+ te tamaiti a Abinoama i teie himene:+
2 “No te rouru tuu noa* i Iseraela,No te aau tae o te nunaa,+A arue ia Iehova!
3 A faaroo, e te mau arii! A horoa mai i te tariˈa faaroo, e te feia faatere!
Ia Iehova vau e himene ai.
E himene au i te arueraa* ia Iehova,+ to Iseraela Atua.+
4 Iehova, ia oe i haere mai Seira mai,+Ia oe i haere mai te tuhaa fenua mai o Edoma,Ua aueue te fenua, ua manii te raˈi,Ua ninii te mau ata i te pape.
5 Ua tahe* te mau mouˈa i mua i te aro o Iehova,+O Sinai atoa i mua i te aro o Iehova,+ to Iseraela Atua.+
6 I te mau mahana o Samagara+ te tamaiti a Anata,I te mau mahana o Iaela,+ aita e taata i nia i te mau purumu.Ua haere noa te mau ratere na nia i te tahi atu mau purumu.
7 Aita faahou* to te mau oire rii i Iseraela.Aita faahou ratou e ia tia roa mai au, o Debora,+E ia tia roa mai au mai te hoê metua vahine i Iseraela.+
8 Ua maiti te nunaa i te atua apî,+Tupu atura ïa te tamaˈi i te mau uputa.+
Aita i itehia hoê paruru, aita atoa e omore,I rotopu e 40 000 tane i Iseraela.
9 To ˈu aau, tei te mau raatira nuu o Iseraela,+Tei haere ma te aau tae na muri i te nunaa.+
A arue ia Iehova!
10 Outou i nia iho i te mau asini uteute marearea,Outou e parahi ra i nia i te mau vauvau nehenehe,E outou e haere ra na nia i te purumu,A feruri maite i teie:
11 Ua faaroohia te reo o te feia huti pape i te mau vahi pape.I taua mau vahi ra ratou i faatia ˈi i te mau ohipa parau-tia a Iehova,Te mau ohipa parau-tia a to ˈna mau taata no te mau oire rii i Iseraela.
I reira to Iehova nunaa i te pouraa i te mau uputa.
12 A ara, a ara, e Debora!+
A ara, a ara, a himene i te tahi himene!+
A tia mai, Baraka!+ A aratai ê i ta oe mau tîtî, oe te tamaiti a Abinoama!
13 I reira te feia e toe ra i pou ai i te huimana.Ua pou mai to Iehova nunaa ia ˈu e aro i te feia puai.
14 No roto mai ratou ia Epheraima, to te peho.Te pee ra ratou ia oe, e Beniamina, i rotopu i to oe mau taata.
No roto mai ia Makira+ te mau raatira nuu,E ia Zebuluna te feia e amo ra i te raau a te taata tihepu.*
15 Tei ia Debora ra te huiarii no roto mai ia Isakara,Mai ia Isakara, o Baraka+ atoa ïa.
Ua tonohia oia i roto i te peho na raro.+
E aau feaa to rotopu i te mau puhaparaa o Reubena.
16 Eaha oe i parahi ai i ropu i na piti pute,A faaroo ai i te mau tiai ia hauti i ta ratou vivo no ta ratou mau nǎnǎ mamoe?+
E aau feaa to rotopu i te mau puhaparaa o Reubena.
17 Ua faaea noa Gileada i te tahi atu pae o Ioridana.+E o Dana, eaha o ˈna i faaea noa ˈi i pihai iho i te mau pahi?+
Ua parahi Asera i tatahi ma te ohipa ore,E na pihai iho i to ˈna mau uahu,* ua faaea noa oia.+
18 E nunaa Zebuluna tei faaruru i te pohe.O Naphatali atoa,+ i nia i te mau aivi.+
19 I Taanaka na te pape o Megido,+Ua haere mai te mau arii, e ua aro ratou.+I reira te mau arii no Kanaana i aro ai,
Aita râ e taoˈa ario ta ratou i haru.+
20 Mai te raˈi mai, ua aro te mau fetia.Mai to ratou vairaa, ua aro ratou ia Sisera.
21 Ua hopoi ê te tahora o Kisona ia ratou,+Te tahora tahito, te tahora o Kisona.
Ua taataahi au* i te feia puai.
22 I reira te maiuu o te mau puaahorofenua i taahi aiA raˈu ai ta ˈna mau puaahorofenua tamaˈi i te horo.+
23 ‘A faatae i te ino i nia ia Meroza,’ ua parau mai te melahi a Iehova,‘Oia mau, a faatae i te ino i nia i to ˈna mau taata,Aita hoi ratou i haere mai e tauturu ia Iehova,E tauturu ia Iehova e te mau aito puai.’
24 I rotopu i te mau vahine, ia haamaitai-rahi-hia Iaela+Te vahine faaipoipo a Hebere+ te ati Keni.O ˈna te vahine haamaitai-rahi-hia o te mau vahine e ora ra i roto i te fare ie.
25 Ua ani Sisera i te pape, ua horoa Iaela i te û na ˈna.
I roto i te tahi auˈa rahi, ua pûpû atu oia i te û pupuru.+
26 I to ˈna rima, ua rave mai oia i te naero rahi fare ie,I to ˈna rima atau te hamara a te taata rimaî.
Ua patiti oia ia Sisera, ua haaperehu oia i to ˈna upoo,E ua patia oia a puta ˈtu ai te aoao o to ˈna upoo e pipiha roa ˈtu.+
27 Ua marua oia i ropu i to ˈna na avae. Ua topa oia e te tarava noa ra.Ua marua e ua topa oia i ropu i to ˈna na avae.Te vahi i marua ˈi oia, i reira to ˈna pauraa.
28 Na te haamaramarama ua hiˈo te tahi vahine i rapae,Ua fâao te metua vahine o Sisera i rapae na te varavara o te haamaramarama:‘Eaha to ˈna pereoo i maoro ai i te tae mai?
No te aha aita â vau i faaroo atura i te maniania o ta ˈna mau pereoo puaahorofenua?’+
29 E pahono te vahine feruriraa paari roa ˈˈe o to ˈna aorai ia ˈna.Oia mau, e na ô noa atoa oia ia ˈna iho:
30 ‘Papu, te tufa nei ratou i te mau taoˈa ta ratou i haru mai,Hoê tamahine,* e piti tamahine* na te mau faehau atoa,E ahu ua rau te û tei haruhia no Sisera, e ahu ua rau te û tei haruhia,E ahu nira-faanehenehe-hia, e ahu ua rau te û, e piti ahu nira-faanehenehe-hiaNo te aˈî o te feia haru taoˈa.’
31 Ia mou pauroa to oe mau enemi,+ e Iehova,Ia riro râ te feia mea here na ratou ia oe mai te mahana e hiti ra ma te anaana rahi.”
E ora hau ihora to taua fenua ra e 40 matahiti.+
Nota i raro i te api
^ Aore ra “te mau aito e te rouru tuu noa.”
^ Aore ra “E hauti au i te upaupa.”
^ Huri-atoa-hia “aueue.”
^ Aore ra “Ua mou.”
^ Huri-atoa-hia “e tapea ra i te mauhaa a te tahi papai parau.”
^ Aore ra “vahi tapaeraa.”
^ Heb: “opu.”
^ Heb: “opu.”
