Himene 197

A himene no Iehova!

(Salamo 47:6)

1. E himene ei arue

Te Atua Mana hope.

Fatu te Arii te fenua,

Te faatere ra oia.

Paipai to tatou mau rima.

Rahi mau to ˈna maitai.

Ia faateitei te mau reo

No te umere ia ˈna.

Arii Iesu nia i te raˈi,

Ua vî te mau nunaa.

Ia faaitehia to ˈna parau-tia

Maoti te pororaa.

2. E tau fifi hoi teie,

E te peapea mau.

Mai te tau toetoe ra

E faatupu nei te pau.

Fatata te Mileniuma

E faaore te ino.

Paradaiso te fenua

Tei î i te oaoa.

Ia ineine tatou no taua

Faanahonahoraa apî.

Roaa te ora mou ore,

Tǎpǔ te Atua iho.

3. Faatupu ta Ia mau ohipa

Te riaria rahi.

Te hiˈo maite ra oia

Tei poro te Basileia.

Ua arii hoi te Atua

I nia te fenua nei.

A himene, arue ia ˈna

Ia hoê te mau reo.

Arue anaˈe te Arii rahi

Tei ia ˈna te mana.

Parahi oia nia te terono,

Ia ˈna te arueraa.