Himene 100

Haamaitai ia Iehova, to tatou Atua!

(Ieremia 33:11)

1. Haamaitai te Atua mau!

Faaraa to ˈna iˈoa moˈa.

Haamaitai ia oaoa

Te Arii no te raˈi, te fenua.

Mea maere ta ˈna i poiete,

Ma te aroha, te maitai.

Haava oia ma te paari;

Hapa ore to ˈna maitai.

Haamaitai! Haamaitai Ia ˈna!

Faaraa to ˈna iˈoa moˈa.

2. Haamaitai te Atua mau!

Faaraa to ˈna iˈoa moˈa.

Himene to ˈna maitai rahi,

Ia arue paatoa te Fatu.

Riariahia e te feia ino,

Auhia e te feia haehaa.

Paruru Ia tei imi ia ˈna,

Ore to ˈna rima faarue.

Haamaitai! Haamaitai Ia ˈna!

Faaraa to ˈna iˈoa moˈa.

3. Haamaitai te Atua mau!

Faaraa to ˈna iˈoa moˈa.

Haamaitai Te taata taitahi,

I to ˈna Poiete rahi mau.

Faaarii oia te Tamaiti;

A haapopou to ˈna maitai.

Himene! Ua upootia oia,

Faaite te haapao maitai.

Haamaitai! Haamaitai Ia ˈna!

Faaraa to ˈna iˈoa moˈa.