Te mau taurearea i roto i te nunaa a te Atua
Himene 183
Te mau taurearea i roto i te nunaa a te Atua
1. Na te eˈa o te fare o te Atua,
Taurearea, taata paari te haere nei.
E tiaa rahi ratou no te arue ia ˈna,
No te faaite to ˈna mana arii!
Na te mau aivi e te mau vahi papu,
To ratou mâ e to ratou ieie,
E mea nehenehe mau ia hiˈo atu.
Mea faufaa ratou i mua ia Iehova.
2. Te mau taurearea tei haapii Ta ˈna ture,
Te fa nei te mahana apî no outou.
Faatia faahou te Atua te Paradaiso,
Ma te horoa te ora mure ore.
Fatata te ao ino e haamouhia,
Oia teie tamata nei ia tatou.
Aro ma te puai to ˈna feruriraa,
Ma te haapao maite noa i te faaroo.
3. Eaha te faufaa teie nei ao no outou?
A faahoa ˈtu i te mau taeae rau.
A ati maite atu i te mea mau,
Te tia, te mau Papai, te taviniraa.
Imi te tauturu a te feia paari.
Tuu nia ia ratou ta outou mau peapea.
Tiaturi i te Atua ra ia Iehova,
O oia to outou Hoa papu roa.
4. Farii-here-hia tatou e te amuiraa,
Na Iesu e horoa tei hiaaihia.
A parahi tamau noa i pihai iho ia ˈna,
Ma te haapao noa ta ˈna mau faaueraa.
Eiaha e faaau faahou to teie nei ao,
Te tamâ noa nei Iehova ia tatou.
Ma te amui, arue to ˈna iˈoa moˈa,
Te mau taurearea e te mau ruhiruhia.
