Himene 102

Te oaoa o te tia-faahou-raa

(Apokalupo 20:13)

1. Ua taoto Lazaro,

Tei te menema.

Te oto ra to ˈna

Na tuahine.

‘Ahiri te Fatu

Pihai iho ia ˈna,

E ore roa oia,

Riro i Hade.’

Hurihia te ofai,

Taˈu ˈtura Iesu,

E ua pii puai:

‘Haere mai rapae!’

Teie o Lazaro.

Haamaitai ˈtura

To ˈna ra mau hoa

I te Atua.

2. Poheraa te Mesia,

Pouri te mahana.

Oto rahi atura

Ta ˈna mau pǐpǐ.

I roto te mato,

Tuu ihora ia ˈna.

Oti te mau mea ˈtoa,

Haere ˈnaˈe ˈtura.

Te pohe teoteo,

Teihea to tara?

Ua faaora te Atua

Ta ˈna Tamaiti.

Ua faaahu ia ˈna

Te hanahana.

Ua vî ihora ia ˈna

Hade e te pohe.

3. Maoti Adamu,

Ô mai ai te pohe.

Maoti râ o Iesu,

Roaa te ora.

Faaroo mai tei pohe

I to ˈna reo,

E haere mai rapae

Ma te umere.

Mua i te terono,

Haavahia ratou.

Haapapu te ohipa,

Faarue te hara.

I te buka ora,

Tapaohia ratou

Tei haehaa, tei mǎrû,

Farii te Atua.