Te pane no te raˈi
Himene 150
Te pane no te raˈi
1. Te Metua i te raˈi ra,
Aore roa oe i taui.
Ia raa to iˈoa moˈa,
Ia arue-noa-hia oe.
Mutaa iho, Tiai oe
To oe nunaa,
Faaamu oe ia ˈna
Te pane no te raˈi.
Mai te mato, ua pihaa
No ˈna, te pape ora ra.
Aratai oe ia ˈna,
I te Fenua tǎpǔhia.
2. Te mâna no te raˈi mai,
O to Tamaiti here ïa.
Tei faarue to ˈna tiaraa
No te faaora te huitaata.
O ˈna hoi te pane mau,
Tei faatusia ia ˈna
No te taata ˈtoa,
No te hoo ia ratou.
A tufa teie pane,
Te Atua noa te horoa mai.
I te mau mahana ˈtoa,
Ora ma te viivii ore.
3. Te pane no te raˈi mai,
E maitai no te mau “mamoe.”
Haere i tei poia ra,
Faaite ˈtu te parau maitai.
Turu tei tia te aau
Imi nei te parau-tia.
Ia ru i te horo ê,
Na Ia e faatiamâ!
Muri aˈe te tamaˈi rahi,
Piihia Aramagedo,
Arue â tatou ia ˈna,
No ta ˈna mau ô atoa.