Eaha te Bibilia no oe?

FAAROO NA ROTO TE REO

E parau anei oe . . .

e buka no nia i te paari o te taata?
e buka aai?
o te Parau a te Atua?

TA TE BIBILIA E PARAU RA

“Te mau Papai moˈa atoa, ua papaihia ïa i raro aˈe i te aratairaa a te varua o te Atua.”—Timoteo 2, 3:16, Huriraa o te ao apî.

EAHA TE AURAA NO OE?

E ite oe i te pahonoraa papu i te mau uiraa faufaa o te oraraa.—Maseli 2:1-5.

E ite oe i te aratairaa papu no te mau mahana atoa.—Salamo 119:105.

E noaa ia oe te tiaturiraa papu no a muri aˈe.—Roma 15:4.

E NEHENEHE ANEI E TIATURI I TA TE BIBILIA E PARAU RA?

E. Teie e toru tumu:

Te tuati-maite-raa. Ua papaihia te Bibilia i nia 1 600 matahiti na e 40 tiahapa taata taa ê. Aita te rahiraa o ratou i farerei. Noa ˈtu râ, mea au maite te buka taatoa e hoê noa manaˈo tumu!
Te tanoraa i te pae tuatapaparaa. E pinepine te feia tuatapapa i te huna i te mau hapa a to ratou nunaa. Area te feia papai Bibilia, ua faatia ratou ma te huna ore i ta ratou iho mau hapa e a to ratou nunaa.—Paraleipomeno 2, 36:15, 16; Salamo 51:1-4.
Te tanoraa o te mau parau tohu. Ua tohu te Bibilia i te haamouraa o te oire tahito o Babulonia fatata e 200 matahiti na mua ˈˈe. (Isaia 13:17-22) Ua faaitehia e nafea Babulonia e topa ˈi e i te iˈoa atoa o te taata haru!—Isaia 45:1-3.

Mea rahi atu â parau tohu Bibilia tei tupu atoa i roto i te mau tuhaa rii. E ere anei râ te reira ta tatou e tiai ra no te hoê buka no ǒ mai i te Atua ra?—Petero 2, 1:21.

A FERURI NA

E nafea te Parau a te Atua e haamaitai ai i to oraraa?

Tei roto te pahonoraa i te ISAIA 48:17, 18 e te TIMOTEO 2, 3:16, 17.

E au atoa outou . . .

TE PAHONO RA TE BIBILIA

Eaha te Bibilia?

A haamata i te taio i te poroi a te Atua, parauhia te Parau a te Atua.

TE PAHONO RA TE BIBILIA

Eaha te titauhia ia outou no te taa i te Bibilia?

E nehenehe outou e ite i teie poroi faahiahia.

TE PAHONO RA TE BIBILIA

Eaha te parau tohu?

Aita pauroa te parau tohu no ǒ mai i te Atua e faaite ra i te tupu a muri aˈe.

HAAPIIRAA TUMU

E parau mau anei te Bibilia?

Mai te peu e buka no ǒ mai i te Atua, eita anei te reira e taa ê i te tahi atu mau buka?

NO NIA IA MATOU

No te aha e haapii ai i te Bibilia?

E horoa te Bibilia i te mau pahonoraa i te mau uiraa faufaa o te oraraa i te mau mirioni taata na te ao nei. E hinaaro anei oe e ite i tera mau pahonoraa?