TUHAA 4
Ua faaroo raua ia Satani, eaha tei tupu mai?
Aita Adamu raua Eva i faaroo i te Atua e ua pohe. Genese 3:6, 23
Ua faaroo Eva i te ophi e ua amu i te maa hotu. E ua horoa ˈtura na Adamu, tei amu atoa.
Aita raua i faaroo i te Atua, e hara ïa. Ua tiahi te Atua ia raua i rapae i to raua nohoraa.
Ua fifi to raua oraraa e to ta raua mau tamarii. Ua ruauhia raua e ua pohe. Aita raua i haere i roto i te ao varua. Ua faaea raua i te ora.
Mai te repo fenua te taata pohe. Genese 3:19
E pohe tatou no te mea no roto mai hoi tatou ia Adamu raua Eva. Eita te feia pohe e ite, e faaroo, e e rave i te tahi mea.—Koheleta 9:5, 6, 10.
Aita Iehova i hinaaro ia pohe te taata. E fatata oia i te faatia mai te feia pohe i te ora. Ia faaroo ratou ia ˈna, e ora ïa ratou e a muri noa ˈtu.
E au atoa outou . . .
HAAPIIRAA TUMU
Eaha te tupu ia pohe te taata?
Eaha te tupu ia pohe tatou? Te fafau ra te Bibilia i te mahana e faatiahia mai e rave rahi taata tei pohe mai ia Lazaro.
HAAPIIRAA TUMU
No te aha te Atua e vaiiho noa ˈi te mauiui?
E rave rahi te ui nei no te aha mea rahi te ino e te mauiui na te ao nei. Te horoa ra te Bibilia i te hoê pahonoraa tamahanahana mau.
