Eaha te ô maitai roa ˈˈe ta outou e nehenehe e horoa na ta outou tamarii? Mea rahi te mea ta ratou e hinaaro mau ra, oia atoa to outou here e ta outou aratairaa e paruru. Te ô faufaa roa ˈˈe râ ta outou e nehenehe e horoa ˈtu, o te iteraa ïa o vai ra o Iehova e i ta ˈna pue parau mau i roto i ta ˈna Parau, te Bibilia. (Ioane 17:3) E tauturu te reira i ta outou tamarii ia here atu â ia Iehova e ia tavini ia ˈna ma to ratou aau atoa noa ˈtu e mea apî roa ratou.—Mataio 21:16.

Ua ite te metua e rave rahi e mea au aˈe na te mau tamarii rii te mau haapiiraa poto e ia apiti atoa ˈtu ratou. Te oaoa nei ïa matou i te pia i teie papai, Ta ˈu pehepehe Bibilia. E haapii atu te pehepehe taitahi ma te ohie mau. Ua faaineinehia te mau hohoˈa e te mau papai no te mau tamarii iho â râ e toru matahiti e i raro mai. E ani-atoa-hia ratou ia apiti mai. E ere noa Ta ˈu pehepehe Bibilia i te hoê hauti. E haapii atoa râ te mau tamarii maoti teie papai. Ma te taio i te reira e ta outou tamarii, e tauaparau maitai ïa outou.

Ua papu ia matou e e tauturu atu teie papai ia haapii i te parau mau Bibilia i ta outou tamarii mai to ratou “tamarii-rii-raa mai â.”—​Timoteo 2, 3:14, 15.

To outou mau taeae,

Tino aratai a te mau Ite no Iehova