TUHAA 4
Upootiaraa te Basileia: Haapapuraa i te parau apî oaoa i mua i te ture
A PORO ai oe na tera e tera fare, faaroo ihora oe i te maniania pu e piri roa mai ra. Te haamata ra hoi oe i te paraparau i te hoê taata, fariu aˈera to oe hoa pororaa i muri. E pereoo mutoi tei tapea mai. Tapiri maira te hoê mutoi e na ô maira: “Orua tera e haere ra na te mau fare no te paraparau no nia i te Bibilia? Ua niuniuhia mai matou!” Pahono atura orua ma te faatura e e Ite no Iehova iho â orua. Eaha ïa te tupu i muri iho?
Tei te huru ïa. Eaha te manaˈo o te hau faatere o to oe fenua i te mau Ite no Iehova? E tiamâraa anei to ratou e haamori? Mai te peu e e, auaˈe atoa ïa to oe mau taeae e tuahine tei rohi i te roaraa o te mau matahiti i “te patururaa e te haapapuraa i te parau apî oaoa i mua i te ture.” (Phil. 1:7, New World Translation) Ia feruriruri oe i te mau upootiaraa a te mau Ite no Iehova i te tiripuna, e puai roa to oe faaroo. E faaite mai teie tuhaa vetahi o tera mau upootiaraa, haapapuraa atoa e te vai mau ra te Basileia. E ore roa ˈtu hoi tatou e upootia na nia noa i to tatou iho puai!
I ROTO I TEIE TUHAA
PENE 13
E tia ˈtu te feia poro i mua i te tiripuna
Hoê â manaˈo to te tahi mau haava i teie tau e to Gamaliela haapii ture a Mose i tahito ra.
PENE 14
Turu ma te taiva ore i ta te Atua anaˈe faatereraa
Te anavai o te hamani-ino-raa i parari mai i nia i te mau Ite no Iehova no te oreraa e faaô i roto i te poritita, ua horomiihia ïa e “te fenua,” oia hoi te tahi mau taata eita e manaˈohia e na reira ratou.
PENE 15
Aroraa no te tiamâraa e haamori ia Iehova
Ua aro te nunaa o te Atua no te tiaraa e auraro i te ture, oia hoi te ture a te Basileia o te Atua.