“Eiaha roa te parau ino ra e hurihia ’tu i te Atua! eiaha roa te Puaihope ia parauhia i te rave parau ino ra!”—Ioba 34:10

No te aha ua rahi roa te mauiui na te ao?

• Ioane 1, 5:19

  O te Diabolo ra o Satani te faatere o te ao.

• Koheleta 8:9

  O te taata atoa te tumu o te mauiui o vetahi ê.

• Koheleta 9:12

  I te tahi taime, e mauiui te taata no te mea ua tupu te tahi ati i te vahi e te taime mana‘o-ore-hia.

• Petero 1, 5:7

  Mea here roa na Iehova i te taata. Mea au ore na ’na ia mauiui ratou.

“Ua ite hoi te Atua e, . . . e araara ïa to orua mata, e e riro orua mai te atua ra te huru, i te ite i te maitai e te ino.”—Genese 3:5

No te aha aita o Iehova i haafaufaa ore i ta Satani faainoraa?

• Genese 3:2-5

  Ua faaino Satani ma te parau e faatere ino te Atua. Ua hinaaro ia tiaturi te taata e tiaraa to ratou no te faaoti eaha te mea maitai e eaha te mea ino.

• Ioba 1:6

  Ua faaino Satani ia Iehova i mua e mirioni melahi.

“E ere tei te taata iho to ’na haerea; e ere hoi tei taua taata e haere ra i te haapao i to ’na taahiraa.”—Ieremia 10:23

Mea maoro to te taata mauiuiraa, eaha te tumu?

• Isaia 55:9

  Ua haamau te taata e rave rau hoho‘a faatereraa, eita râ ratou e nehenehe e faatere maitai i te fenua ma te tuu i te Atua i te hiti.

• Petero 2, 3:9, 10

  E faaoromai rahi to Iehova, ua vaiiho mai oia i te taime no te haapii o vai o ’na e no te maiti ia ’na ei Faatere no tatou.

• Ioane 1, 3:8

  E faaohipa o Iehova ia Iesu no te faaore i te mauiui atoa ta Satani i faatupu.

“E tau tamaiti, ia paari hoi oe, . . . ia tia ia ’u ia patoi atu i tei faaino mai ia ’u nei.”—Maseli 27:11

No te aha eita o Iehova e faahepo mai ia tavini ia ’na?

• Deuteronomi 30:19

  Ua horoa mai o Iehova i te tiamâraa ia maiti. E nehenehe tatou e faaoti i te tavini ia ’na e aore ra eita.

• Mataio 22:37, 38

  Te hinaaro ra o Iehova ia tavini tatou ia ’na no to tatou here ia ’na.