“E faaroo mai outou i to ’u nei reo; e riro ïa vau ei Atua no outou i reira, e riro hoi outou ei taata no ’u.”—Ieremia 7:23

E nehenehe anei e riro ei hoa no te Atua?

• Genese 22:18; Iakobo 2:23

  Ua riro Aberahama ei hoa no Iehova no te mea ua auraro e ua faatupu oia i te faaroo ia ’Na.

• Paraleipomeno 2, 16:9

  E tauturu o Iehova i te feia o te auraro ia ’na.

• Salamo 25:14; 32:8

  E horoa o Iehova i te ite papu i to ’na mau hoa.

• Salamo 55:22

  E tauturu o Iehova i to ’na mau hoa.

“Aore Ioba i harahia i taua mau mea atoa nei, e aore hoi i faahapa i te Atua.”—Ioba 1:22

Eaha ta Satani i rave no te tamata ia Ioba e eaha te huru o Ioba?

• Ioba 1:10, 11

  Ua parau Satani ua tavini Ioba i te Atua no te mau haamaitairaa ta ’na e horoa ’tu, eiaha râ no to ’na here ia ’Na.

• Ioba 1:12-19; 2:7

  Ua vaiiho o Iehova ia Satani ia faaere ia Ioba i ta ’na mau faufaa e ta ’na mau tamarii atoa. I muri a‘e, ua tairi atoa Satani ia ’na i te hoê ma‘i ino mau.

• Ioba 27:5

  Aita Ioba i ite i te tumu i mauiui rahi ai o ’na, aita râ oia i taiva noa ’‘e.

“E horoa noa hoi te taata i tana mau mea’toa ra ei hoo no tona iho ora.”—Ioba 2:4, Te Bibilia Mo’a V.C.J.S. (1976)

Eaha ta Satani e rave ia mutu to tatou auhoaraa e o Iehova?

• Korinetia 2, 11:14

  E turai Satani ia tatou eiaha e auraro ia Iehova.

• Maseli 24:10

  E turai mai oia ia mana‘o eita e tia ia tatou ia tavini ia Iehova.

• Petero 1, 5:8

  E hamani ino Satani ia tatou.

• Maseli 27:11

  A maiti i te auraro ia Iehova e a riro ei hoa haapao maitai no ’na. E haapapu ïa oe o Satani tei haavare.

“Teie hoi te here i te Atua, ia haapao tatou i ta ’na mau faaueraa.”—Ioane 1, 5:3

Eaha te rave ia riro oe ei hoa no Iehova?

• Deuteronomi 6:5

  A here i te Atua. Na te reira e turai ia oe ia auraro ia ’na.

• Isaia 48:17, 18

  A auraro ia Iehova, e maitai-noa-hia oe.

• Deuteronomi 30:11-14

  Ia papu ia oe, eita roa o Iehova e ani atu ia rave i te tahi mea o te ore e maraa ia oe.

• Korinetia 2, 4:7

  A rave i te mea maitai, e horoa ’tu o Iehova i te puai e titauhia.