“Tei ia oe hoi te tumu o te ora.”—Salamo 36:9

E nafea ia faaite te haafaufaa ra tatou i te ora?

• Ohipa 17:28; Apokalupo 4:11

  E ô te ora no ǒ mai ia Iehova, e tia ia haafaufaa tatou i te reira.

• Exodo 21:22, 23; Deuteronomi 5:17

  Mea ino ia haapohe i te taata e ia haamarua i te tamarii.

• Ioane 1, 3:11, 12, 15

  Mea ino ia hae i te tahi atu taata.

• Korinetia 2, 7:1

  A haapae i te mau peu o te haaviivii i te tino mai te puhipuhiraa i te avaava e te raveraa i te raau taero.

• Maseli 3:31

  A haapae i te mau faaanaanataeraa e tuaro iino.

“Tei te toto hoi te ora o te mau mea atoa nei; o to ’na ïa ora.”—Levitiko 17:14

Eaha te mana‘o o te Atua i te ora e te toto?

• Genese 4:10; Deuteronomi 12:23

  Te toto o te ora ïa.

• Genese 9:3, 4

  E nehenehe e amu i te i‘o animara, eiaha râ te toto.

• Ohipa 15:28, 29; 21:25

  Ua faaue te Atua eiaha e amu i te toto, ia haapae-atoa-hia ïa te mau rapaauraa o te faaohipa i te toto.

• Hebera 11:6

  O te auhoaraa e o Iehova te mea faufaa roa ’‘e no tatou.

“E tamâ te toto o Iesu . . . ia tatou i te mau hara atoa.”—Ioane 1, 1:7

Eaha te mau maitai ta tatou e fana‘o maoti te tusia o Iesu?

• Levitiko 17:11

  I tahito ra, e nehenehe te mau Iseraela e ani ia faaore o Iehova i ta ratou hara ma te pûpû i te tusia animara e ma te ani i te tahu‘a ia ninii maa toto o tera animara i nia i te fata.

• Mataio 20:28; Hebera 9:11-14

  I to Iesu haereraa mai i nia i te fenua, ua faaore oia i te ture no nia i te tusia animara ma te horoa i to ’na ora, aore ra toto, no te faaore i ta tatou mau hara.

• Ioane 3:16

  Mea faufaa roa te ora o Iesu, no reira o Iehova i faatia ’i ia ’na i te ora i nia i te ra‘i. E nehenehe o Iehova e horoa i te ora mure ore i te taata atoa o te faatupu i te faaroo ia Iesu.