“No reira, te tuturi nei au i mua i te Metua, na ’na i mairi i te i‘oa o te mau fetii atoa, to te ra‘i e to te fenua.”—Ephesia 3:14, 15

Eaha te rave ia oaoa to oe utuafare?

• Genese 1:26-28

  Na Iehova i haamau i te utuafare matamua.

• Ephesia 5:1, 2

  Ia oaoa to oe utuafare, e tia ia pee i te hi‘oraa o Iehova e to Iesu.

“Ia here te tane faaipoipo tataitahi i rotopu ia outou i ta ’na vahine . . . Area te vahine faaipoipo ra, ia faatura maite ïa i ta ’na tane e tia ’i.”—Ephesia 5:33

Eaha te huru e tia ia faaite te tane e te vahine i nia i te tahi e te tahi?

• Ephesia 5:22-29

  O te tane te upoo o te utuafare. Ia here oia i ta ’na vahine e ia turu te vahine i ta ’na mau faaotiraa.

• Kolosa 3:19; Petero 1, 3:4

  Ia faaite raua i te maitai i nia i te tahi e te tahi e ia haapao toopiti atoa i to raua mau hinaaro.

• Petero 1, 3:1, 2, 7

  Ia haafaufaa e ia faatura te tane e te vahine i te tahi e te tahi.

• Timoteo 1, 5:8; Tito 2:4, 5

  E tia ia haapao te tane i te mau hinaaro o to ’na utuafare. E tia ia aupuru te vahine i te mau mero atoa o to ’na utuafare.

“Eiaha e faariri i ta outou mau tamarii, a tamau râ i te aupuru ia ratou i te a‘o e te faaararaa a Iehova.”—Ephesia 6:4

Eaha te hopoia a te mau metua?

• Deuteronomi 6:4-9; Maseli 22:6

  E titauhia ia faaherehere oe i te taime no te haapii i ta oe tamarii o vai o Iehova. I te tamariiraa iho â, a tauturu ia ratou ma te faaoromai ia riro ei hoa no Iehova.

• Petero 1, 5:8

  A haapii i ta oe tamarii eaha te rave ia ore vetahi ê e hamani ino ia ’na e nafea ia ape i te tahi mau tupuraa atâta.

• Ieremia 30:11; Hebera 12:9-11

  E titauhia ia a‘o i ta oe tamarii, eiaha râ na roto i te riri aore ra ma te hamani ino atu.

“Outou te mau tamarii, a faaroo i to outou na metua.”—Ephesia 6:1

E te mau tamarii, eaha te tumu e tia ia faaroo i to outou na metua?

• Maseli 23:22-25; Kolosa 3:20

  E faaoaoa outou ia Iehova e to outou mau metua.

• Korinetia 1, 15:33

  A maiti ei hoa i te feia o te here ia Iehova. Mea ohie a‘e ïa no outou ia rave i te mea maitai.