“Mea pirihao râ te uputa e mea ôaôa te e‘a e tae atu ai i te ora, e aita i rahi te taata o te ite atu i taua e‘a ra.”—Mataio 7:14

E nafea tatou e ite ai e titauraa ta te Atua ia farii o ’na i ta tatou haamoriraa?

• Mataio 7:21-23

  Eita te Atua e farii i te mau haapaoraa atoa. Aita te mau haapaoraa atoa e rave ra i to ’na hinaaro.

• Mataio 7:13, 14

  E aratai te haamoriraa mau i te ora mure ore. Area te haapaoraa hape, e aratai ïa i te haamouraa mure ore.

• Mataio 7:16, 17

  E nehenehe e ite o vai ma te haamori ra i te Atua mai ta ’na e hinaaro ma te hi‘opoa i ta ratou e rave ra. Aita e faufaa ia haapii no nia i te mau haapaoraa atoa. A haapii noa i ta te Bibilia e parau ra.

• Tesalonia 1, 2:13; Timoteo 2, 3:16, 17

  A haapii e a tiaturi noa i ta te Bibilia e parau ra.

• Mataio 4:10; Ioane 17:6

  A haamori ia Iehova e a faahiti i to ’na i‘oa.

• Ioane 13:35

  A faaite i te here mau i te tahi e te tahi.

• Ioane 3:36; Ohipa 4:12

  A faaroo ia Iesu, o ’na ta te Atua e faaohipa ra no te faaora ia tatou.

• Ioane 18:36; Ohipa 5:29

  Eiaha e faaô i roto i te mau ohipa poritita.

• Mataio 24:14; 6:10

  A haapii i te taata o te Faatereraa arii a te Atua te ravea hoê roa no te faaafaro i to tatou mau fifi.

Eaha te tia ia rave ia hinaaro oe ia farii te Atua i ta oe haamoriraa?

• Iakobo 2:19

  Eita e navai noa ia tiaturi i te Atua. E titauhia ia rave atoa i ta ’na e parau ra i roto i te Bibilia.

• Isaia 52:11; Apokalupo 17:5

  E haapii “Babulonia rahi,” aore ra te haapaoraa hape, ia haamori i te Atua, eiaha râ mai ta ’Na e hinaaro ra. Mea hape te mau haapiiraa mai te Toru tahi, te po auahi e te tiaturiraa e ora ’tu te tahi mea ia pohe te taata.

• Apokalupo 18:4, 8

  Fatata o Iehova i te haamou i te mau haapaoraa hape atoa. Eiaha roa ’tu e rave i te tahi noa ’‘e mea no ǒ mai i te haapaoraa hape.

• Mareko 10:28-30

  E patoi atu paha te taata, eita râ o Iehova e faarue ia oe.