“A hi‘o na, e pape to ǒ nei. Eaha te tapea ra ia ’u ia ore ia bapetizohia?”—Ohipa 8:36

No te aha e tia ia bapetizohia oe e eaha te ravehia i te bapetizoraa?

E faaite te reira ua faarue oe i to oe oraraa tahito e ua haamata i te rave i te hinaaro o te Atua.

• Mataio 28:19, 20

  E titauhia ia bapetizohia oe no te riro ei tavini no Iehova.

• Salamo 40:8

  E faaite to oe bapetizoraa i te taata te hinaaro ra oe e tavini i te Atua.

• Mataio 3:16

  E tia ia taumihia to oe tino taatoa i roto i te pape mai tei ravehia i te bapetizoraa o Iesu.

“Teie hoi te here i te Atua, ia haapao tatou i ta ’na mau faaueraa. E ere ta ’na mau faaueraa i te mea teimaha.”—Ioane 1, 5:3

No te aha eiaha oe ia taiâ i te pûpû ia oe ia Iehova?

• Salamo 103:14; Isaia 41:10

  Eita e titauhia ia riro oe ei taata tia roa no te pûpû ia oe ia Iehova. Na ’na e tauturu ia oe ia rave i te mea maitai.

• Kolosa 1:10

  Na to oe here ia Iehova e tauturu atu ia faaea i te mana‘o e nehenehe oe e hape.

“E mea au na ’u te rave i to oe hinaaro, e tau Atua; te vai nei hoi ta oe ture tei roto i to ’u nei aau.”—Salamo 40:8

Eaha te titauhia ia rave no te pûpû ia oe ia Iehova?

• Ioane 17:3

  A HAAPII I TE BIBILIA

  Ia ite oe o vai o Iehova e o vai o Iesu Mesia. Rahi atu â oe i te haapii no nia ia raua, rahi atu â oe i te here ia raua.

• Hebera 11:6

  A FAATUPU I TE FAAROO

  A tiaturi i te mau parau fafau a te Atua e e nehenehe te tusia o Iesu e faaora ia tatou i te hara e te pohe.

• Ohipa 3:19

  A TATARAHAPA

  Te auraa, ia farii mau oe mea ino ta oe i rave.

  A FARIU MAI

  Te auraa, a haapae i te haerea e te peu ino e a rave i te mea maitai.

• Petero 1, 4:2

  A PÛPÛ I TO OE ORA

  E pûpû oe ia oe ia Iehova ma te parau na roto i te pure e haamori oe ia ’na ana‘e e o te raveraa i to ’na hinaaro ta oe e tuu i te parahiraa matamua.